ಸಾಮಾಜಿಕ ಮಾಧ್ಯಮದಲ್ಲಿ ವೈರಲ್ ಆಗುವ ಕೆಲ ವಿಡಿಯೋಗಳು ನಮ್ಮನ್ನು ನಗೆಗಡಲಲ್ಲಿ ತೇಲುವಂತೆ ಮಾಡುತ್ತವೆ.
ಇನ್ಸ್ಟಾಗ್ರಾಂ ಖಾತೆಯಲ್ಲಿ ಈ ವಿಡಿಯೋವನ್ನು ಹಂಚಿಕೊಳ್ಳಲಾಗಿದೆ. ಇದು ವಧು-ವರರ ಆಗಮನದ ದೃಶ್ಯ. ಎಲ್ಲರೂ ಖುಷಿಯಿಂದ ಇದ್ದರು. ಈ ಗುಂಪಿನಲ್ಲಿದ್ದ ಮಹಿಳೆಯೊಬ್ಬರು ವಧು-ವರರ ಆಗಮನದ ದೃಶ್ಯವನ್ನು ಮೊಬೈಲ್ ಫೋನ್‌ನಲ್ಲಿ ಸೆರೆ ಹಿಡಿಯುವ ಉತ್ಸಾಹದಲ್ಲಿದ್ದರು. ಹಾಗೆಯೇ ಖುಷಿ ಖುಷಿಯಿಂದ ಈಕೆ ಫೋಟೋ ತೆಗೆಯುತ್ತಲೇ ಹಿಂದಕ್ಕೆ ಹಿಂದಕ್ಕೆ ಬಂದಿದ್ದರು. ಈಕೆಯ ಈ ಜೋಶ್‌ಗೆ ಅಲ್ಲಿದ್ದ ಚರಂಡಿ ತಣ್ಣೀರೆರಚಿತ್ತು. ಫೋಟೋ ಕ್ಲಿಕ್ಕಿಸುವ ಜೋಶ್‌ನಲ್ಲಿ ಹಿಂದಕ್ಕೆ ಬಂದು ಈಕೆ ಕಾಲು ಜಾರಿ ಚರಂಡಿಗೆ ಬಿದ್ದಿದ್ದಾಳೆ. ಈ ವೇಳೆ ಅಲ್ಲಿದ್ದ ಕೆಲವರು ತಕ್ಷಣ ಈಕೆಯ ಸಹಾಯಕ್ಕೆ ಧಾವಿಸಿದ್ದರು. ವಧು ವರರು ಮಾತ್ರ ಈಕೆಯನ್ನು ನೋಡುತ್ತಲೇ ಮುಂದೆ ಸಾಗಿದ್ದರು. ಈ ವಿಡಿಯೋ ಸೋಷಿಯಲ್ ಮಿಡಿಯಾದಲ್ಲಿ ವೈರಲ್ ಆಗಿದ್ದು, ನೆಟ್ಟಿಗರು ಬಿದ್ದೂ ಬಿದ್ದು ನಕ್ಕಿದ್ದಾರೆ.
