ಬೆಂಗಳೂರು :ರಿಯಲ್‌ ಎಸ್ಟೇಟ್‌ ಉದ್ಯಮಿಯೊಬ್ಬ ಕಳ್ಳತನಕ್ಕಿಳಿದು ಪೊಲೀಸರ ಅತಿಥಿಯಾಗಿರುವ ಘಟನೆ ಮೈಕೋಲೇಔಟ್‌ ಪೊಲೀಸ್‌ ಠಾಣಾ ವ್ಯಾಪ್ತಿಯಲ್ಲಿ ನಡೆದಿದೆ. ಸಿಸಿಟಿವಿ ಇಲ್ಲದ 11 ಮನೆಗಳನ್ನು ಆರಿಸಿ ಕಳವು ಮಾಡಿದ್ದ ಸುನಿಲ್‌ ಬಂಧಿತ ಆರೋಪಿ.ಸಿಸಿಟಿವಿ ಇಲ್ಲದ ಮನೆಗಳನ್ನೇ ಆರಿಸಿಕೊಂಡು ಕಳವು ಮಾಡಿದ್ದ ಸುನಿಲ್‌ ಈ ಹಿಂದೆ ಯಾವುದೇ ಅಪರಾಧ ಪ್ರಕರಣದಲ್ಲಿ ಭಾಗಿಯಾಗಿರಲಿಲ್ಲ. ಹೀಗಾಗಿ ಈತನ ಯಾವುದೇ ರೆಕಾರ್ಡ್‌ ಪೊಲೀಸರ ಬಳಿಯಿರಲಿಲ್ಲ. ಇದರಿಂದ ನಾಲ್ಕು ವರ್ಷಗಳಿಂದ ಕಳವು ವೃತ್ತಿ ನಡೆಸುತ್ತಿದ್ದರೂ ಈತನ ಪತ್ತೆಯಾಗಿರಲಿಲ್ಲ.
ಆದರೆ ಇತ್ತೀಚಿಗಷ್ಟೇ ಮೊಬೈಲ್ ಕಳವೊಂದಕ್ಕೆ ತೆರಳಿದ್ದಾಗ ಅನುಮಾನ ಬಂದ ಮನೆಯ ಮಾಲಿಕರು ಮೊಬೈಲ್ ನಲ್ಲಿ ಈತನ ಫೋಟೋ ತೆಗೆದಿದ್ದರು. ಇದೇ ಜಾಡನ್ನು ಹಿಡಿದು ಪೊಲೀಸರು ಸುನಿಲ್‌ ನನ್ನು ಬಂದಿಸಿದ್ದಾರೆ.
