ರಾಷ್ಟ್ರೀಯ ಪಕ್ಷ ಬಿಜೆಪಿಗೆ ಸೇರ್ಪಡೆಗೊಂಡು ದಿನ ಕಳೆಯುವಷ್ಟರಲ್ಲಿ ಆಟಗಾರನೊಬ್ಬ ರಾಜಕೀಯಕ್ಕೆ ಗುಡ್ ಬೈ ಹೇಳಿದ್ದಾರೆ.
ಮಾಜಿ ಫುಟ್ಬಾಲ್ ಆಟಗಾರ, ಮಿಡ್ ಫೀಲ್ಡ್ ಜನರಲ್ ಎಂದೇ ಖ್ಯಾತವಾಗಿರುವ ಮೆಹ್ತಾಬ ಹುಸೈನ್ ಬಿಜೆಪಿಗೆ ಸೇರಿದ್ದರು.
ಆದರೆ ದಿನ ಕಳೆಯುವುದರ ಒಳಗಾಗಿ ತಾವು ಯಾವುದೇ ಪಾರ್ಟಿ ಜೊತೆ ಸಂಬಂಧ ಹೊಂದಿಲ್ಲ ಎಂದು ಸ್ಪಷ್ಟನೆ ನೀಡಿದ್ದಾರೆ.
ತಾವು ರಾಜಕೀಯ ಸೇರಿದ್ದರಿಂದಾಗಿ ಮನೆ ಮಂದಿಗೆ ಹಾಗೂ ಅಭಿಮಾನಿಗಳಿಗೆ ನೋವಾಗಿತ್ತು. ಹೀಗಾಗಿ ರಾಜಕೀಯ ತ್ಯಜಿಸುತ್ತಿರುವುದಾಗಿ ಹೇಳಿಕೊಂಡಿದ್ದಾರೆ.
