ಹಂದಿಗೆ ಹಾಲುಣಿಸುವ ಹಸು

ಪ್ರಕೃತಿಯಲ್ಲಿ ಹಲವು ವೈಚಿತ್ರ್ಯಗಳಿಗೆ ನಾವು ಸಾಕ್ಷಿಯಾಗುವ ಸಂದರ್ಭಗಳು ಬರುತ್ತವೆ. ಇದೀಗ ಅಂತದ್ದೇ ಒಂದು ವಿಚಿತ್ರ ಘಟನೆ ಬೆಳಕಿಗೆ ಬಂದಿದೆ. ಯಾದಗಿರಿ ಜಿಲ್ಲೆಯ ಸುರಪುರ ನಗರದಲ್ಲಿ ಹಸುವೊಂದು ಹಂದಿಗೆ ಹಾಲು ಕುಡಿಸುವ ದೃಶ್ಯ ಕಂಡು ಬಂದಿದ್ದು, ಈ ಘಟನೆ ನಗರದ ವೇಣುಗೋಪಾಲ ಸ್ವಾಮಿ ದೇವಸ್ಥಾನದ ಬಳಿ ನಡೆದಿದೆ. ಹಂದಿ ಹಸುವಿನ ಹಾಲು ಕುಡಿಯುತ್ತಿರುವ ವಿಡಿಯೋ ವೈರಲ್ ಆಗಿದ್ದು ಸದ್ಯ ಸೋಶಿಯಲ್ ಮೀಡಿಯಾದಲ್ಲಿ ಹರಿದಾಡುತ್ತಿದೆ. ಈ ವಿಡಿಯೊವನ್ನ ನೋಡಿದವರೆಲ್ಲರೂ ಆಶ್ಚರ್ಯ ವ್ಯಕ್ತಪಡಿಸುತ್ತಿದ್ದಾರೆ.