ಮನೆ ನೋಡಲು ಹೋಗಿದ್ದ ಎರಡು ವರ್ಷದ ಮಗು ಸಾವು

ಬೆಂಗಳೂರು: ಅಜ್ಜಿ-ತಾತನ ಜೊತೆ ಮನೆ ಹುಡುಕಾಟಕ್ಕೆ ಹೋಗಿದ್ದ ಎರಡು ವರ್ಷದ ಮಗು ಮಹಡಿಯಿಂದ ಬಿದ್ದು ಸಾವನ್ನಪ್ಪಿದ ಘಟನೆ ಬೆಂಗಳೂರಿನಲ್ಲಿ ನಡೆದಿದೆ.

ದಿವ್ಯಾಂಶ್ ಎಂಬ ಎರಡು ವರ್ಷದ ಮಗು ಐದಂತಸ್ತಿನ ಮಹಡಿಯಿಂದ ಬಿದ್ದು ಸಾವನ್ನಪ್ಪಿದೆ. ಅಜ್ಜಿ-ತಾತ ಮನೆಗಾಗಿ ಹುಡುಕಾಟ ನಡೆಸುತ್ತಿದ್ದರು. ಅವರೊಡನೆ ದಿವ್ಯಾಂಶ್ ಕೂಡಾ ಹೋಗಿದ್ದ. ಅಜ್ಜಿ-ತಾತ ಮನೆ ನೋಡುವುದರಲ್ಲಿ ಮಗ್ನರಾಗಿದ್ದಾಗ ಮಗು ಅಕಸ್ಮಾತ್ತಾಗಿ ಕೆಳಕ್ಕೆ ಬಿದ್ದಿದೆ.

ಸ್ಥಳದಲ್ಲಿಯೇ ಮಗು ಸಾವನ್ನಪ್ಪಿದೆ. ತಕ್ಷಣವೇ ಅಪಾರ್ಟ್ ಮೆಂಟ್ ಸಿಬ್ಬಂದಿ ಪೊಲೀಸರಿಗೆ ಸುದ್ದಿ ಮುಟ್ಟಿಸಿದ್ದಾರೆ. ಪೊಲೀಸರು ಪ್ರಕರಣ ದಾಖಲಿಸಿಕೊಂಡಿದ್ದಾರೆ.