ಹೈದರಾಬಾದ್ : ಮಣಿರತ್ನಂ ಅವರ ಮಹತ್ವಾಕಾಂಕ್ಷೆಯ ಯೋಜನೆ ‘ಪೊನ್ನಿಯಿಲ್ ಸೆಲ್ವನ್’ ಚಿತ್ರದ ಶೂಟಿಂಗ್ ಕೆಲವು ವಾರಗಳ ಹಿಂದೆ ಹೈದರಾಬಾದ್ ನಲ್ಲಿ ಪುನಾರಾರಂಭಗೊಂಡಿದೆ. ಸದ್ಯ ಶೂಟಿಂಗ್ ಭರದಿಂದ ಸಾಗಿದೆ.
ಈ ಚಿತ್ರದಲ್ಲಿ ಭಾರತೀಯ ಚಿತ್ರೋದ್ಯಮದ ಅತ್ಯುತ್ತಮ ನಟರು ಕೆಲಸ ಮಾಡಿದ್ದಾರೆ. ಕಾರ್ತಿ, ಜಯಂರವಿ, ತ್ರಿಶಾ ಈ ಚಿತ್ರೀಕರಣದಲ್ಲಿ ಭಾಗವಹಿಸಿದ್ದಾರೆ. ಎ.ಆರ್.ರೆಹಮಾನ್ ಸಂಗೀತ ನೀಡಿದ್ದಾರೆ. ಇದರ ಮುಂದಿನ ವೇಳಾಪಟ್ಟಿಯಲ್ಲಿ ವಿಕ್ರಮ್, ಐಶ್ವರ್ಯ ರೈ ಬಚ್ಚನ್, ಮುಂತಾದವರು ಸೇರಲಿದ್ದಾರೆ.
ಆದರೆ ಇತ್ತೀಚಿನ ಮಾಹಿತಿ ಪ್ರಕಾರ ಮಣಿರತ್ನಂ ಅವರು ಡಿಜಿಟಲ್ ದೈತ್ಯ ನೆಟ್ ಫ್ಲಿಕ್ಸ್ ನಿಂದ ಭಾರೀ ಕೊಡುಗೆಯನ್ನು ಪಡೆದುಕೊಂಡಿದ್ದಾರೆ ಎನ್ನಲಾಗಿದೆ. ಈ ಚಿತ್ರವನ್ನು ಒಟಿಟಿಯಲ್ಲಿ ಬಿಡುಗಡೆ ಮಾಡಲು ನಿರ್ಧರಿಸಲಾಗಿದ್ದು, ಚಿತ್ರದ ಸ್ಟ್ರೀಮಿಂಗ್ ಹಕ್ಕುಗಳಿಗೆ ಕಂಪೆನಿಯು ದೊಡ್ಡ ಮೊತ್ತ ನೀಡಿದೆ ಎನ್ನಲಾಗಿದೆ.
