ಬೆಂಗಳೂರು: ಬಿಗ್ ಬಾಸ್ ಕಿರುತೆರೆಯ ಅತಿದೊಡ್ಡ ರಿಯಾಲಿಟಿ ಶೋ. ಬಿಗ್ ಬಾಸ್ ಸೀಸನ್ 5 ಇದೇ 15ರಿಂದ ಆರಂಭವಾಗುತ್ತಿದೆ. ಯಾರು ಯಾರು ಈ ಸಲ ಬಿಗ್ ಬಾಸ್ ಮನೆಗೆ ಎಂಟ್ರಿ ಪಡೆದುಕೊಳ್ಳುತ್ತಿದ್ದಾರೆ ಅನ್ನೊ ಕುತೂಹಲ ಇದ್ದೇ ಇದೆ.
ಈ ಸಲ ಬಿಗ್ ಬಾಸ್ ಮನೆಗೆ ಅವರು ಹೋಗ್ತಾರಂತೆ… ಇವರು ಹೋಗ್ತಾರಂತೆ ಅಂತ ಎಲ್ಲರ ಹೆಸರು ಕೇಳಿ ಬರ್ತಿದೆ. ಆದ್ರೆ ಇಲ್ಲೊಂದು ಪಟ್ಟಿ ಲೀಕ್ ಆಗಿದೆ. ಇದರ ಪ್ರಕಾರ ಸೀಸನ್ 5ರಲ್ಲಿ ಭಾಗವಹಿಸಲು ಕಲರ್ಸ್ ವಾಹಿನಿ ಕೆಲ ಸೆಲೆಬ್ರಿಟಿಗಳನ್ನ ಸಂಪರ್ಕಿಸಿದೆಯಂತೆ.
ಒಗ್ಗರಣೆ ಡಬ್ಬಿ ಖ್ಯಾತಿಯ ಮುರಳಿ, ನಟರಾದ ದಿಗಂತ್, ಸುನಿಲ್ ರಾವ್, ಪಂಕಜ್ ನಾರಾಯಣ್, ರಾಜು ತಾಳಿಕೋಟೆ, ಸಿಸಿಎಲ್ ನ ರಾಜೀವ್, ಶ್ರೀಕಿ, ಶೈನ್ ಶೆಟ್ಟಿ, ಕವಿತಾ ಗೌಡ, ಹರ್ಷ, ನಟಿ ಭಾವನಾರನ್ನು ಚಾನೆಲ್ ಸಂಪರ್ಕಿಸಿದೆ ಎಂದು ತಿಳಿದುಬಂದಿದೆ.
ಸೀಸನ್ 4ಕ್ಕಿಂತಲೂ ಈ ಬಾರಿಯ ಬಿಗ್ ಬಾಸ್ ಮನೆ ಸಖತ್ ಕಲರ್ ಫುಲ್ ಆಗಿರಲಿದೆಯಂತೆ. ಅಂದಹಾಗೆ ಈ ಎಲ್ಲ ಸೆಲೆಬ್ರಿಟಿಗಳ ಜತೆ ಈ ಬಾರಿ ಸಾಮಾನ್ಯನು ಸಹ ಬಿಗ್ ಬಾಸ್ ಮನೆಗೆ ಎಂಟ್ರಿ ಕೊಡುತ್ತಿದ್ದಾರೆ. ನಾಲ್ವರು ಸಾಮಾನ್ಯರು ಈ ಬಾರಿ ಸ್ಪರ್ಧಿಗಳಾಗಲಿದ್ದಾರಂತೆ.
