ಮುಂಬೈ: ಬಾಹುಬಲಿ ಖ್ಯಾತಿಯ ಬ್ಯೂಟಿ ಕ್ವೀನ್ ತಮನ್ನಾ ಪಾಕಿಸ್ತಾನದ ಮಾಜಿ ಆಲ್ ರೌಂಡರ್ ಅಬ್ದುಲ್ ರಜಾಕ್ ರನ್ನು ಮದುವೆಯಾಗುತ್ತಾರಂತೆ ಎಂಬ ಅಂತೆ ಕಂತೆ ಹರಿದಾಡಿತ್ತು.
ಈ ಬಗ್ಗೆ ಸ್ವತಃ ತಮನ್ನಾ ಸ್ಪಷ್ಟನೆ ಕೊಟ್ಟಿದ್ದಾರೆ. ‘ಸದ್ಯಕ್ಕಂತೂ ನನಗೆ ಮದುವೆಯಾಗುವ ಯಾವುದೇ ಯೋಜನೆಯಿಲ್ಲ. ನನ್ನ ಸಿನಿಮಾ ಕೆಲಸಗಳಲ್ಲಿ ನಾನು ಬ್ಯುಸಿ. ಮದುವೆಯಾಗುವುದಿದ್ದರೆ ಎಲ್ಲರಿಗೂ ಹೇಳಿಯೇ ಆಗುತ್ತೇನೆ. ಕದ್ದು ಮುಚ್ಚಿ ಆಗುವ ಅಗತ್ಯವಿಲ್ಲ’ ಎಂದು ಸ್ಪಷ್ಟನೆ ನೀಡಿದ್ದಾರೆ.
ಎಲ್ಲದಕ್ಕೂ ಕಾರಣವಾಗಿದ್ದು ರಜಾಕ್ ಜತೆಗಿನ ತಮನ್ನಾ ಫೋಟೋ. ಅಸಲಿಗೆ ಇದು ತುಂಬಾ ಹಳೆಯ ಫೋಟೋ ಆಗಿತ್ತು. ಯಾವುದೋ ಜ್ಯುವೆಲ್ಲರಿ ಶಾಪ್ ಉದ್ಘಾಟನೆಗೆ ಹೋಗಿದ್ದ ಸಂದರ್ಭ ತೆಗೆದ ಫೋಟೋ ಇದಾಗಿತ್ತು. ಇಷ್ಟಕ್ಕೇ ಗಾಸಿಪ್ ಪ್ರಿಯರು ಆಕೆಯ ಮದುವೆ ಆಗೇ ಹೋಯ್ತು ಎಂದು ಮಾತನಾಡುವುದಾ?
