ಬೆಂಗಳೂರು : ಬಿಗ್ ಬಾಸ್ ನಲ್ಲಿ ಭಾನುವಾರದ ಕಿಚ್ಚನ್ ಟೈಮ್ ಸಂಚಿಕೆ ಈ ಸಲ ತುಂಬಾ ಡಿಫರೆಂಟ್ ಆಗಿತ್ತು. ಸುದೀಪ್ ಅವರು ಮುಖವಾಡ ಧರಿಸಿ ಮಾರು ವೇಷದಲ್ಲಿ ಬಿಗ್ ಬಾಸ್ ಮನೆಯೊಳಗೆ ಬಂದಿದ್ದರು.
ಸುದೀಪ್ ಅವರು ತಮ್ಮ ಜೊತೆ ‘ಪ್ರೇಮಬರಹ’ ನಟ ಚಂದನ್ ಹಾಗು ಕ್ರಿಕೆಟಿಗರಾದ ಕಾರಿಯಪ್ಪ, ರಿತೇಶ್ ಭಟ್ಕಳ್ ಅವರ ಜೊತೆ ಮಾರುವೇಷದಲ್ಲಿ ಮನೆಯೊಳಗೆ ಬಂದರು. ಹಾಗೆ ತಮ್ಮ ಕೈಯಾರೆ ಅಡುಗೆ ಮಾಡಿ ಸ್ಪರ್ಧಿಗಳಿಗೆ ನೀಡಿದ್ದರು. ಇಷ್ಟಾದರೂ ಸ್ಪರ್ಧಿಗಳಿಗೆ ಮಾತ್ರ ಬಂದಿರುವುದು ಸುದೀಪ್ ಅವರು ಎಂದು ತಿಳಿಯಲೇ ಇಲ್ಲ. ಅವರು ಹಾಡು ,ಡ್ಯಾನ್ಸ್ ಗಳನ್ನು ಮಾಡುವುದರ ಮೂಲಕ ತಮ್ಮ ಪ್ರತಿಭೆಯನ್ನು ಪ್ರದರ್ಶಿಸುವುದರಲ್ಲೇ ಮಗ್ನರಾಗಿದ್ದರು.
ಕೊನೆಗೆ ಸುದೀಪ್ ಅವರು ತಮ್ಮ ತಂಡದವರನ್ನು ಕರೆದುಕೊಂಡು ಮನೆಯಿಂದ ಹೊರಗೆ ಬಂದು ನಂತರ ವೇದಿಕೆ ಮೇಲೆ ನಾಲ್ವರು ನಿಂತು ಮನೆಯೊಳಗೆ ಬಂದಿರುವುದು ತಾವು ಎಂಬುದನ್ನು ಬಹಿರಂಗಪಡಿಸಿದರು. ಅಡುಗೆ ಮಾಡಿಕೊಟ್ಟಿದ್ದು ಸುದೀಪ್ ಅವರು ಎಂದು ತಿಳಿದು ಸ್ಪರ್ಧಿಗಳು ತುಂಬಾನೆ ಖುಷಿ ಪಟ್ಟರು ಹಾಗೆ ಸುದೀಪ್ ಅವರನ್ನು ಭೇಟಿ ಮಾಡುವ ಒಳ್ಳೆ ಅವಕಾಶ ಮಿಸ್ ಆಯಿತು ಎಂದು ನಿರಾಸೆಗೊಂಡರು.
ತಾಜಾ ಸುದ್ದಿಗಳನ್ನು ಓದಲು ವೆಬ್‌ದುನಿಯಾ ಮೊಬೈಲ್ ಆ್ಯಪ್ ಡೌನ್‍ ಲೋಡ್ ಮಾಡಿಕೊಳ್ಳಿ