ಇನ್ಮುಂದೆ ಲಿಪ್ ಲಾಕ್ ಮಾಡಲ್ಲ, ರಶ್ಮಿಕಾ ಜತೆ ಸದ್ಯಕ್ಕೆ ಸಿನಿಮಾ ಮಾಡಲ್ಲ ಎಂದ್ರು ವಿಜಯ್ ದೇವರಕೊಂಡ!

ಹೈದರಾಬಾದ್: ಗೀತಾ ಗೋವಿಂದಂ, ಡಿಯರ್ ಕಾಮ್ರೇಡ್ ಸಿನಿಮಾಗಳಲ್ಲಿ ರಶ್ಮಿಕಾ ಮಂದಣ್ಣ ಜತೆ ಅಭಿನಯಿಸಿ ಲಿಪ್ ಲಾಕ್ ಮೂಲಕವೇ ಸುದ್ದಿಯಾಗಿದ್ದ ವಿಜಯ್ ದೇವರಕೊಂಡ ಇನ್ನು ಎರಡು ವರ್ಷ ರಶ್ಮಿಕಾ ಜತೆ ಸಿನಿಮಾ ಮಾಡಲ್ವಂತೆ!

ಸಂದರ್ಶನವೊಂದರಲ್ಲಿ ಮಾತನಾಡಿರುವ ವಿಜಯ್ ದೇವರಕೊಂಡ ಪದೇ ಪದೇ ಎಲ್ಲೇ ಹೋದ್ರೂ ತಮ್ಮಿಬ್ಬರ ಬಗ್ಗೆ, ಲಿಪ್ ಲಾಕ್ ಬಗ್ಗೆ ಕೇಳಿ ಕೇಳಿ ಬೇಸತ್ತುಹೋಗಿದ್ದಾರಂತೆ. ಹೀಗಾಗಿ ಇನ್ಮುಂದೆ ಲಿಪ್ ಲಾಕ್ ಮಾಡಲ್ಲ ಎಂದಿದ್ದಾರೆ ವಿಜಯ್.

ಅಷ್ಟೇ ಅಲ್ಲ, ಇನ್ನು ಸದ್ಯಕ್ಕೆ ರಶ್ಮಿಕಾ ಜತೆ ಸಿನಿಮಾ ಮಾಡಲ್ಲ ಎಂದಿದ್ದಾರೆ. ಅತ್ತ ರಶ್ಮಿಕಾ ಕೂಡಾ ಇನ್ ಸ್ಟಾಗ್ರಾಂನಲ್ಲಿ ಕೇಳಿಬಂದ ಪ್ರಶ್ನೆಗೆ ನಮಗಿಬ್ಬರಿಗೂ ಡೇಟಿಂಗ್ ಮಾಡುವುದು ಬಿಟ್ಟು ಬೇರೆ ಹಲವು ಕೆಲಸಗಳಿವೆ. ಇನ್ನು ಎರಡು ವರ್ಷ ಜತೆಗೆ ಸಿನಿಮಾ ಮಾಡಲ್ಲ ಎಂದಿದ್ದಾರೆ. ಅಲ್ಲಿಗೆ ಇವರಿಬ್ಬರನ್ನು ಸದ್ಯಕ್ಕೆ ತೆರೆ ಮೇಲೆ ನೋಡುವ ಭಾಗ್ಯ ಪ್ರೇಕ್ಷಕರಿಗಿಲ್ಲ ಎಂದಂಗಾಯ್ತು.