ಸುದೀಪ್-ಕುಮಾರ್ ವಿವಾದದ ಕ್ಲೈಮ್ಯಾಕ್ಸ್ ಇಂದು ಹೊರಬೀಳುವ ಸಾಧ್ಯತೆ

ಬೆಂಗಳೂರು: ಕಿಚ್ಚ ಸುದೀಪ್ ಮತ್ತು ನಿರ್ಮಾಪಕ ಎಂಎನ್ ಕುಮಾರ್ ನಡುವೆ ಎದ್ದಿರುವ ವಿವಾದಕ್ಕೆ ಇಂದು ತೆರೆ ಬೀಳುವ ಸಾಧ‍್ಯತೆಯಿದೆ.

ಕಾಲ್ ಶೀಟ್ ನೀಡಿ ಹಣ ಪಡೆದುಕೊಂಡು ಸಿನಿಮಾ ಮಾಡಿಲ್ಲ ಎಂದು ಕುಮಾರ್ ಆರೋಪಿಸಿದ್ದರು. ಆದರೆ ಇದನ್ನು ಸುದೀಪ್ ಅಲ್ಲಗಳೆದು ಕೋರ್ಟ್ ನಲ್ಲಿ ಮಾನನಷ್ಟ ಮೊಕದ್ದಮೆ ಹೂಡಿದ್ದರು. ಈ ಬಗ್ಗೆ ಕ್ರೇಜಿಸ್ಟಾರ್ ರವಿಚಂದ್ರನ್ ಮನೆಯಲ್ಲಿ ಶುಕ್ರವಾರ ಸಂಧಾನ ಸಭೆ ನಡೆದಿತ್ತು. ಈ ವೇಳೆ ಕುಮಾರ್ ಮತ್ತು ಸುದೀಪ್ ಇಬ್ಬರೂ ಭಾಗಿಯಾಗಿದ್ದರು.

ಈ ಸಂಧಾನ ಸಭೆ ಬಹುತೇಕ ಯಶಸ್ವಿಯಾಗಿದೆ ಎನ್ನಲಾಗಿದೆ. ಹಾಗಿದ್ದರೂ ಅಂತಿಮ ನಿರ್ಧಾರ ಇಂದು ಹೊರಬೀಳುವ ಸಾಧ‍್ಯತೆಯಿದೆ. ರವಿಚಂದ್ರನ್ ಇಬ್ಬರೂ ಒಪ್ಪುವಂತಹ ನಿರ್ಧಾರ ಪ್ರಕಟಿಸಲಿದ್ದಾರೆ.