ಕೊನೆಗೂ ವಿಚ್ಛೇದನ ಸುದ್ದಿ ಪ್ರಕಟಿಸಿದ ಸಮಂತಾ-ನಾಗಚೈತನ್ಯ

ಹೈದರಾಬಾದ್: ಟಾಲಿವುಡ್ ಕಪಲ್ ನಾಗಚೈತನ್ಯ-ಸಮಂತಾ ಋತು ಪ್ರಭು ಕೊನೆಗೂ ತಮ್ಮ ವೈವಾಹಿಕ ಜೀವನದ ಕುರಿತಾಗಿ ಹಬ್ಬಿದ್ದ ಸುದ್ದಿಗೆ ತೆರೆ ಎಳೆದಿದ್ದಾರೆ. ಇಬ್ಬರೂ ವಿಚ್ಛೇದನ ವಿಚಾರವನ್ನು ಅಧಿಕೃತವಾಗಿ ಸೋಷಿಯಲ್ ಮೀಡಿಯಾದಲ್ಲಿ ಪ್ರಕಟಿಸಿದ್ದಾರೆ.

‘ನಮ್ಮೆಲ್ಲಾ ಹಿತೈಷಿಗಳಿಗೆ, ಸಾಕಷ್ಟು ಯೋಚನೆ ಮಾಡಿ ನಾನು ಮತ್ತು ಚೈ ನಮ್ಮ ಪತಿ-ಪತ್ನಿ ಸಂಬಂಧಕ್ಕೆ ತೆರೆ ಎಳೆಯುವ ನಿರ್ಧಾರ ಮಾಡಿದ್ದೇವೆ. ನಮ್ಮ ನಡುವೆ ದಶಕಗಳಿಗೂ ಹೆಚ್ಚು ಸಮಯದ ಸ್ನೇಹವಿತ್ತು. ಅದು ಮುಂದೆಯೂ ಇರಲಿದೆ ಎಂದು ನಂಬಿದ್ದೇವೆ.  ಈ ಕಠಿಣ ಸಂದರ್ಭದಲ್ಲಿ ಮಾಧ‍್ಯಮಗಳು, ಅಭಿಮಾನಿಗಳು, ಹಿತೈಷಿಗಳು ನಮ್ಮ ವೈಯಕ್ತಿಕ ಜೀವನಕ್ಕೆ ಬೆಲೆ ಕೊಟ್ಟು ನಮ್ಮ ಖಾಸಗಿತನವನ್ನು ಗೌರವಿಸುತ್ತೀರಿ ಎಂದು ನಂಬಿದ್ದೇವೆ’ ಎಂದು ಸಮಂತಾ ಬರೆದುಕೊಂಡಿದ್ದಾರೆ. ಇದೇ ಪೋಸ್ಟ್ ನ್ನು ನಾಗಚೈತನ್ಯ ಕೂಡಾ ಪ್ರಕಟಿಸಿದ್ದಾರೆ. ಅಲ್ಲಿಗೆ ಟಾಲಿವುಡ್ ನ ಈ ಸುಂದರ ಜೋಡಿಯ ವೈವಾಹಿಕ ಜೀವನ ಅಧಿಕೃತವಾಗಿ ಮುರಿದುಬಿದ್ದಂತಾಗಿದೆ.