ಆರ್ ಆರ್ ಆರ್ ಸಿನಿಮಾದ ಪಾರ್ಟ್ 2 ಬರುತ್ತಾ?

ಹೈದರಾಬಾದ್: ರಾಜಮೌಳಿ ನಿರ್ದೇಶನದ ಜೂ.ಎನ್.ಟಿ.ಆರ್ ಮತ್ತು ರಾಮ್ ಚರಣ್ ತೇಜ್ ಪ್ರಮುಖ ಪಾತ್ರದಲ್ಲಿ ನಟಿಸಿದ್ದ ಆರ್ ಆರ್ ಆರ್ ಸಿನಿಮಾ ಗಲ್ಲಾಪೆಟ್ಟಿಗೆಯಲ್ಲಿ ಧೂಳೆಬ್ಬಿಸಿತ್ತು.

ಈ ಸಿನಿಮಾ ಕೇವಲ ಭಾರತದಲ್ಲಿ ಮಾತ್ರವಲ್ಲ, ವಿದೇಶದಲ್ಲೂ ಗಮನ ಸೆಳೆದಿತ್ತು. ಇದೀಗ ಚಿತ್ರದ ಎರಡನೇ ಭಾಗವೂ ನಿರ್ಮಾಣವಾಗುತ್ತಾ ಎಂಬ ಕುತೂಹಲ ಅಭಿಮಾನಿಗಳಲ್ಲಿದೆ.

ರಾಜಮೌಳಿ ಈ ಮೊದಲು ಬಾಹುಬಲಿ ಸಿನಿಮಾವನ್ನು ಎರಡು ಭಾಗಗಳಾಗಿ ಮಾಡಿದ್ದರು. ಹೀಗಾಗಿ ಈಗ ಆರ್ ಆರ್ ಆರ್ ಗೆ ಸಿಕ್ಕ ಯಶಸ್ಸು ನೋಡಿ ಈ ಸಿನಿಮಾವನ್ನೂ ಮತ್ತೊಂದು ಭಾಗ ಮಾಡಲು ಯೋಜನೆ ಹಾಕಿಕೊಂಡಿದ್ದಾರಂತೆ. ಇದಕ್ಕಾಗಿ ತೆರೆಮರೆಯಲ್ಲಿ ಸಿದ್ಧತೆಗಳು ನಡೆದಿದ್ದು, 2024 ರ ವೇಳೆಗೆ ಚಿತ್ರ ಸೆಟ್ಟೇರಬಹುದು ಎನ್ನಲಾಗಿದೆ.