ಪುನೀತ್ ಮೇಲಿನ ಗೌರವಕ್ಕೆ ರಿಲೀಸ್ ಮುಂದೂಡಿದ ಆರ್ ಆರ್ ಆರ್ ಸಿನಿಮಾ

ಬೆಂಗಳೂರು: ಪವರ್ ಸ್ಟಾರ್ ಪುನೀತ್ ರಾಜ್ ಕುಮಾರ್ ಮೇಲಿನ ಗೌರವದಿಂದ ತೆಲುಗು ಮೂಲದ ಪ್ಯಾನ್ ಇಂಡಿಯಾ ಸಿನಿಮಾ ತ್ರಿಬಲ್ ಆರ್ ತಂಡ ಬಿಡುಗಡೆ ಮುಂದೂಡಿದೆ.

ಈ ಮೊದಲು ಆರ್ ಆರ್ ಆರ್ ಸಿನಿಮಾವನ್ನು ಮಾರ್ಚ್ 18 ರಂದು ಬಿಡುಗಡೆ ಮಾಡಲು ಚಿತ್ರತಂಡ ನಿರ್ಧರಿಸಿತ್ತು. ಆದರೆ ಮಾರ್ಚ್ 17 ರಂದು ಪುನೀತ್ ಬರ್ತ್ ಡೇ ಇದ್ದು, ಇದೇ ದಿನ ಅವರು ನಾಯಕರಾಗಿ ಅಭಿನಯಿಸಿದ್ದ ಕೊನೆಯ ಸಿನಿಮಾ ಜೇಮ್ಸ್ ಬಿಡುಗಡೆಯಾಗುವುದು ಬಹುತೇಕ ನಿಚ್ಚಳವಾಗಿದೆ.

ಈ ಹಿನ್ನಲೆಯಲ್ಲಿ ಜೇಮ್ಸ್ ಗೆ ತೊಂದರೆಯಾಗದಂತೆ ತ್ರಿಬಲ್ ಆರ್ ಸಿನಿಮಾ ತಂಡ ತನ್ನ ಸಿನಿಮಾ ರಿಲೀಸ್ ದಿನಾಂಕವನ್ನು ಮುಂದೂಡಿದ್ದು, ಮಾರ್ಚ್ 25 ಕ್ಕೆ ಬಿಡುಗಡೆ ಮಾಡಲು ನಿರ್ಧರಿಸಿದೆ. ರಾಜಮೌಳಿ ನಿರ್ದೇಶನದ ತ್ರಿಬಲ್ ಆರ್ ಸಿನಿಮಾ ತೆಲುಗು, ಕನ್ನಡ ಸೇರಿ ಬಹುಭಾಷೆಗಳಲ್ಲಿ ಬಿಡುಗಡೆಯಾಗುತ್ತಿದೆ.