Salaar: ಸಲಾರ್ ನೋಡಿ ಶಾಕಿಂಗ್ ರಿವ್ಯೂ ಕೊಟ್ಟ ರಿಷಬ್ ಶೆಟ್ಟಿ

ಬೆಂಗಳೂರು: ಹೊಂಬಾಳೆ ಫಿಲಂಸ್ ನಿರ್ಮಾಣದ ಪ್ರಭಾಸ್ ನಾಯಕರಾಗಿರುವ ಸಲಾರ್ ಸಿನಿಮಾ ವೀಕ್ಷಿಸಿ ಕಾಂತಾರ ಸ್ಟಾರ್ ರಿಷಬ್ ಶೆಟ್ಟಿ ಹಾಡಿ ಹೊಗಳಿದ್ದಾರೆ.

ರಿಷಬ್ ಶೆಟ್ಟಿ ಮತ್ತು ಪ್ರಭಾಸ್ ನಡುವೆ ಸ್ನೇಹ ಸಂಬಂಧವಿದೆ. ಈ ಮೊದಲು ಕಾಂತಾರ ಸಿನಿಮಾವನ್ನು ಪ್ರಭಾಸ್ ಟ್ವಿಟರ್ ಮೂಲಕ ಕೊಂಡಾಡಿದ್ದರು. ಇದೀಗ ರಿಷಬ್ ಸರದಿ.

ಸಲಾರ್ ಸಿನಿಮಾ ವೀಕ್ಷಿಸಿದ ರಿಷಬ್ ಶೆಟ್ಟಿ, ನಿರ್ದೇಶಕ ಪ್ರಶಾಂತ್ ನೀಲ್, ನಟ ಪ್ರಭಾಸ್, ಹೊಂಬಾಳೆ ಫಿಲಂಸ್ ಗೆ ತಮ್ಮ ಅಭಿನಂದನೆ ಸಲ್ಲಿಸಿದ್ದಾರೆ. ಇದು ನಿಜಕ್ಕೂಅದ್ಭುತ ಮಾಸ್ ಸಿನಿಮಾ ಎಂದು ಹಾಡಿಹೊಗಳಿದ್ದಾರೆ.

‘ಪ್ರಭಾಸ್ ಸರ್ ನಟನೆ ಮೆಚ್ಚಲೇಬೇಕು ಮತ್ತು ಪೃಥ್ವಿರಾಜ್ ಸರ್ ತಮಗೆ ಕೊಟ್ಟ ಪಾತ್ರವನ್ನು ಅದ್ಭುತವಾಗಿ ನಿಭಾಯಿಸಿದ್ದಾರೆ. ಇಬ್ಬರು ಸ್ನೇಹಿತರ ನಡುವಿನ ಕತೆಯನನ್ನು ಹೃದಯಮುಟ್ಟುವಂತೆ ನಿರೂಪಿಸಿದ ನಿರ್ದೇಶಕ ಪ್ರಶಾಂತ್ ನೀಲ್ ಗೆ ನನ್ನ ಪ್ರೀತಿಯ ಅಪ್ಪುಗೆ. ಹೊಂಬಾಳೆ ಫಿಲಂಸ್ ಮತ್ತು ವಿಜಯ್ ಅಣ್ಣನಿಗೆ ನನ್ನ ಅಭಿನಂದನೆಗಳು’ ಎಂದು ಟ್ವಿಟರ್ ಮೂಲಕ ರಿಷಬ್ ಹೊಗಳಿದ್ದಾರೆ.