ಬಾಯ್ ಫ್ರೆಂಡ್ ಗೆ ಬರ್ತ್ ಡೇ ವಿಶ್ ಹೇಳಿದ ಗರ್ಲ್ ಫ್ರೆಂಡ್ ರಶ್ಮಿಕಾ ಮಂದಣ್ಣ!

ಹೈದರಾಬಾದ್: ನಟಿ ರಶ್ಮಿಕಾ ಮಂದಣ್ಣ ಮತ್ತು ವಿಜಯ್ ದೇವರಕೊಂಡ ಡೇಟಿಂಗ್ ನಲ್ಲಿದ್ದಾರೆ ಎಂದು ಗಾಸಿಪ್ ಗಳು ಹರಿದಾಡುತ್ತಲೇ ಇವೆ. ಇದೀಗ ರಶ್ಮಿಕಾ ತನ್ನ ಬಾಯ್ ಫ್ರೆಂಡ್ ಗೆ ಬಹಿರಂಗವಾಗಿಯೇ ಬರ್ತ್ ಡೇ ವಿಶ್ ಮಾಡಿದ್ದಾರೆ.

ಆದರೆ ರಶ್ಮಿಕಾ ವಿಶ್ ಮಾಡಿದ ಬಾಯ್ ಫ್ರೆಂಡ್ ವಿಜಯ್ ಅಲ್ಲ. ಬದಲಾಗಿ ಕನ್ನಡ ಮೂಲದ ನಟ ದೀಕ್ಷಿತ್ ಶೆಟ್ಟಿ! ದಿಯಾ ಸಿನಿಮಾ ಖ್ಯಾತಿಯ ದೀಕ್ಷಿತ್ ಶೆಟ್ಟಿಗೆ ಇಂದು ಜನ್ಮದಿನ. ಹೀಗಾಗಿ ಅವರ ಜನ್ಮದಿನಕ್ಕೆ ರಶ್ಮಿಕಾ ಶುಭಾಶಯ ಕೋರಿದ್ದಾರೆ. ಜೊತೆಗೆ ಬಾಯ್ ಫ್ರೆಂಡ್ ಎಂದು ಪರಿಚಯಿಸಿದ್ದಾರೆ.

ರಶ್ಮಿಕಾ ಮತ್ತು ದೀಕ್ಷಿತ್ ಇದೀಗ ‘ಗರ್ಲ್ ಫ್ರೆಂಡ್’ ಎನ್ನುವ ಸಿನಿಮಾದಲ್ಲಿ ಜೋಡಿಯಾಗಿ ನಟಿಸಲಿದ್ದಾರೆ. ಈ ಸಿನಿಮಾದಲ್ಲಿ ರಶ್ಮಿಕಾ ಬಾಯ್ ಫ್ರೆಂಡ್ ಆಗಿ ದೀಕ್ಷಿತ್ ನಟಿಸುತ್ತಿದ್ದಾರೆ. ಇಂದು ದೀಕ್ಷಿತ್ ಹುಟ್ಟುಹಬ್ಬ ನಿಮಿತ್ತ ಚಿತ್ರತಂಡ ವಿಶೇಷ ವಿಡಿಯೋ ಮೂಲಕ ಶುಭ ಹಾರೈಸಿದೆ.

ಈ ವಿಡಿಯೋ ಹಂಚಿಕೊಂಡ ರಶ್ಮಿಕಾ ಗರ್ಲ್ ಫ್ರೆಂಡ್ ನ ಬಾಯ್ ಫ್ರೆಂಡ್ ದೀಕ್ಷಿತ್ ಹುಟ್ಟುಹಬ್ಬದ ಶುಭಾಶಯ ಎಂದಿದ್ದಾರೆ. ಈ ಸಿನಿಮಾ ಈಗ ಶೂಟಿಂಗ್ ಹಂತದಲ್ಲಿದೆ. ಕನ್ನಡದಲ್ಲಿ ಕಿರುತೆರೆ, ಬೆಳ್ಳಿ ತೆರೆ ಮೂಲಕ ಬಣ್ಣದ ಬದುಕು ಆರಂಭಿಸಿದ್ದ ದೀಕ್ಷಿತ್ ಈಗ ತೆಲುಗಿನಲ್ಲಿ ಬಿಗ್ ಆಫರ್ ಪಡೆದಿದ್ದಾರೆ.