ರಿಷಬ್ ಶೆಟ್ಟಿ ಕಾಂತಾರ ಚಾಪ್ಟರ್ 2 ಬರುತ್ತಾ ಅಂದರೆ ಹೀಗೆ ಹೇಳೋದಾ

ಬೆಂಗಳೂರು: ಕಾಂತಾರ ಚಾಪ್ಟರ್ 1 ಬ್ಲಾಕ್ ಬ್ಲಸ್ಟರ್ ಹಿಟ್ ಆದ ಮೇಲೆ ಡಿವೈನ್ ಸ್ಟಾರ್ ರಿಷಬ್ ಶೆಟ್ಟಿ ಎಲ್ಲೇ ಹೋದ್ರೂ ಕಾಂತಾರ ಚಾಪ್ಟರ್ 2 ಬರುತ್ತಾ ಎಂದು ಕೇಳುತ್ತಿದ್ದಾರೆ. ಇದರ ಬಗ್ಗೆ ಜೀ ಕುಟುಂಬ ಅವಾರ್ಡ್ಸ್ ನಲ್ಲಿ ರಿಷಬ್ ಶೆಟ್ಟಿ ಉತ್ತರಿಸಿದ್ದಾರೆ.

ಜೀ ಕುಟುಂಬ ಅವಾರ್ಡ್ಸ್ ಕಾರ್ಯಕ್ರಮಕ್ಕೆ ಈ ಬಾರಿ ರಿಷಬ್ ಶೆಟ್ಟಿ ಮುಖ್ಯ ಅತಿಥಿಯಾಗಿ ಹೋಗಿದ್ದರು. ಅವರನ್ನು ಭರ್ಜರಿ ಸ್ವಾಗತ ಮಾಡಿ ವೇದಿಕೆಗೆ ಕರೆಸಿಕೊಳ್ಳಲಾಯಿತು. ಈ  ವೇಳೆ ನಿರೂಪಕರು ಕಾಂತಾರ ಚಾಪ್ಟರ್ 2 ಬರುತ್ತಾ ಎಂದು ಪ್ರಶ್ನೆ ಮಾಡಿದ್ದಾರೆ.

ಇದಕ್ಕೆ ರಿಷಬ್ ಶೆಟ್ಟಿ ‘ಈಗ ನನ್ನಲ್ಲಿ ಯಾರಾದ್ರೂ ನೆಕ್ಸ್ಟ್ ಏನು ಎಂದು ಕೇಳಿದ್ರೆ ನೆಕ್ಸ್ಟ್ ರೆಸ್ಟ್ ಎಂದೇ ನಾನು ಹೇಳೋದು’ ಎಂದಿದ್ದಾರೆ. ‘ನನಗೆ ಕೆರ್ಕೊಳ್ಳೋಕೂ ಪುರುಸೊತ್ತು ಸಿಗಬಾರದು ಹಾಗೆ ಕೆಲಸ ಕೊಡು ದೇವರೇ ಎಂದು ಬೇಡಿಕೊಳ್ಳುತ್ತಿದ್ದೆ. ಆ ವಿಚಾರದಲ್ಲಿ ನನಗೆ ಖುಷಿಯಿದೆ’ ಎಂದಿದ್ದಾರೆ. ಆದರೆ ಕಾಂತಾರ ಚಾಪ್ಟರ್ 2 ಸದ್ಯಕ್ಕಿಲ್ಲ ಎಂದು ಸುಳಿವು ನೀಡಿದ್ದಾರೆ.

ಕಾಂತಾರ ಚಾಪ್ಟರ್ 1 ಸಿನಿಮಾದ ಕೊನೆಯಲ್ಲಿ ಇನ್ನೊಂದು ದಂತಕತೆ ಎನ್ನುವ ಮೂಲಕ ಮೂರನೇ ಭಾಗ ಇದೆ ಎಂದು ಸುಳಿವು ನೀಡಿತ್ತು ಚಿತ್ರತಂಡ. ಆದರೆ ಸದ್ಯಕ್ಕೆ ರಿಷಬ್ ಬೇರೆ ನಾಲ್ಕು ಬಿಗ್ ಬಜೆಟ್ ಸಿನಿಮಾಗಳನ್ನು ಒಪ್ಪಿಕೊಂಡಿದ್ದು ಅದಾದ ಬಳಿಕವೇ ಕಾಂತಾರ ಮೂರನೇ ಭಾಗದ ಬಗ್ಗೆ ಯೋಚಿಸಬಹುದು.