ಇಂದಿನಿಂದ ಪ್ರಭಾಸ್ ಸಾಹೋ ಅಬ್ಬರ! ಈ ಕಾರಣಕ್ಕೆ ಆಕ್ಷನ್ ಥ್ರಿಲ್ಲರ್ ನೋಡಲೇಬೇಕು!

ಹೈದರಾಬಾದ್: ತೆಲುಗು, ಕನ್ನಡ, ಹಿಂದಿ, ತಮಿಳು ಸೇರಿದಂತೆ ಬಹುಭಾಷೆಗಳಲ್ಲಿ ಇಂದಿನಿಂದ ತೆರೆಗೆ ಬರುತ್ತಿರುವ ಸಾಹೋ ಸಿನಿಮಾ ಬಿಡುಗಡೆ ಅಬ್ಬರ ಜೋರಾಗಿಯೇ ಇದೆ. ಈ ಬಹುನಿರೀಕ್ಷಿತ ಸಿನಿಮಾ ನೋಡಲೇಬೇಕಾದ ಐದು ಕಾರಣಗಳು ಇಲ್ಲಿವೆ.

ಬಾಹುಬಲಿ ಬಳಿಕ ಪ್ರಭಾಸ್ ಕಮ್ ಬ್ಯಾಕ್
ಬಾಹುಬಲಿ 2 ಸಿನಿಮಾ ಬಳಿಕ ಪ್ರಭಾಸ್ ಅಭಿನಯದ ಬಹುನಿರೀಕ್ಷಿತ ಚಿತ್ರವಿದು. ಬಾಹುಬಲಿಯಷ್ಟೇ ಕುತೂಹಲ ಹುಟ್ಟಿಸಿರುವ ಸಿನಿಮಾ. ಆ ಸಿನಿಮಾ ಮೂಲಕ ನ್ಯಾಷನಲ್ ಸ್ಟಾರ್ ಆದ ಪ್ರಭಾಸ್ ಈ ಚಿತ್ರದಲ್ಲಿ ಹೇಗೆ ಕಾಣಿಸಿಕೊಂಡಿರಬಹುದು ಎಂಬ ಕುತೂಹಲವಿದ್ದರೆ ಚಿತ್ರ ನೋಡಲೇಬೇಕು.

ಪಕ್ಕಾ ಆಕ್ಷನ್, ಫುಲ್ ಎಂಟರ್ ಟೈನ್ ಮೆಂಟ್
ಆಕ್ಷನ್, ಥ್ರಿಲ್ಲರ್ ಸಿನಿಮಾ ಪ್ರಿಯರಿಗೆ ಈ ಸಿನಿಮಾ ರಸದೌತಣ ನೀಡುವುದು ಗ್ಯಾರಂಟಿ. ಟ್ರೈಲರ್ ನಲ್ಲೇ ಇದು ಪಕ್ಕಾ ಆಗಿದೆ. ಪ್ರತೀ ದೃಶ್ಯಗಳಲ್ಲೂ ರಿಚ್ ನೆಸ್ ಎದ್ದು ಕಾಣುವಂತಿದೆ. ಟ್ರೈಲರ್ ನಲ್ಲೇ ಮೈನವಿರೇಳಿಸುವ ಆಕ್ಷನ್ ತುಣುಕುಗಳನ್ನು ನೋಡಿದವರು ಪೂರ್ತಿ ಸಿನಿಮಾ ನೋಡಲೇಬೇಕು.

ಪ್ರಭಾಸ್-ಶ್ರದ್ಧಾ ರೊಮ್ಯಾನ್ಸ್
ಬಾಹುಬಲಿ ಸಿನಿಮಾದಲ್ಲಿ ಪ್ರಭಾಸ್-ಅನುಷ್ಕಾ ಶೆಟ್ಟಿ ಜೋಡಿಯ ರೊಮ್ಯಾನ್ಸ್ ಜನರಿಗೆ ಮೋಡಿ ಮಾಡಿತ್ತು. ಇವರಿಬ್ಬರೂ ನಿಜ ಜೀವನದಲ್ಲೂ ಒಂದಾಗಬೇಕು ಎಂದು ಈಗಲೂ ಜನ ಕಾಯ್ತಿದ್ದಾರೆ. ಈ ಸಿನಿಮಾದಲ್ಲಿ ಅದಕ್ಕೆ ಯಾವುದೇ ಕಮ್ಮಿಯಿಲ್ಲದಂತೆ ಶ್ರದ್ಧಾ ಕಪೂರ್-ಪ್ರಭಾಸ್ ರೊಮ್ಯಾನ್ಸ್ ಮಾಡಿದ್ದಾರೆ. ಇವರಿಬ್ಬರ ರೊಮ್ಯಾಂಟಿಕ್ ಹಾಡುಗಳು ಈಗಾಗಲೇ ಹಿಟ್ ಆಗಿದೆ.

ಬಹುತಾರಾಗಣ
ಈ ಸಿನಿಮಾದಲ್ಲಿ ಪ್ರಭಾಸ್-ಶ್ರದ್ಧಾ ಸೆಂಟರ್ ಆಫ್ ಅಟ್ರಾಕ್ಷನ್ ಇರಬಹುದು. ಆದರೆ ಇವರಿಗೆ ಸರಿಸಮನಾಗಿ ದೊಡ್ಡ ತಾರಾಗಣವೇ ಚಿತ್ರದಲ್ಲಿದೆ. ನೀಲ್ ನಿತಿನ್ ಮುಖೇಶ್, ಜಾಕಿ ಶ್ರಾಫ್, ಮಂದಿರಾ ಬೇಡಿ, ಅರುಣ್ ವಿಜಯ್, ಮಹೇಶ್ ಮಂಜ್ರೇಕರ್, ಮುಂತಾದ ಘಟಾನುಘಟಿಗಳ  ಅಭಿನಯ  ನೋಡಬೇಕಾದರೆ ಸಾಹೋ ನೋಡಲೇಬೇಕು.