ಹೈದರಾಬಾದ್: ಬಾಲಿವುಡ್ ಸಿನಿಮಾಗಾಗಿ ನಿತಿನ್ ಜೊತೆಗಿನ ಸಿನಿಮಾ ಕೈ ಬಿಟ್ಟಿದ್ದ ರಶ್ಮಿಕಾ ಈಗ ಅತ್ತಲೂ ಇಲ್ಲ, ಇತ್ತಲೂ ಇಲ್ಲ ಎಂಬ ಪರಿಸ್ಥಿತಿ ಎದುರಿಸುತ್ತಿದ್ದಾರೆ.
ರಶ್ಮಿಕಾ ಮೊದಲು ತೆಲುಗಿನಲ್ಲಿ ಭೀಷ್ಮ ಸಿನಿಮಾ ಮಾಡಿದ್ದ ವೆಂಕಿ ಕಡಮುಲ ಮತ್ತು ನಿತಿನ್ ಕಾಂಬಿನೇಷನ್ ನ ಸಿನಿಮಾದಲ್ಲಿ ಮಾಡುವುದೆಂದು ನಿರ್ಧಾರವಾಗಿತ್ತು. ಇದರ ಮುಹೂರ್ತದಲ್ಲೂ ಭಾಗಿಯಾಗಿದ್ದರು. ಆದರೆ ಬಳಿಕ ಬಾಲಿವುಡ್ ನಲ್ಲಿ ಶಾಹಿದ್ ಕಪೂರ್ ಸಿನಿಮಾ ಆಫರ್ ಬಂತೆಂದು ನಿತಿನ್ ಸಿನಿಮಾದಿಂದ ಹೊರನಡೆದಿದ್ದರು. ಈ ಜಾಗಕ್ಕೆ ಶ್ರೀಲೀಲಾ ಬಂದಿದ್ದರು.
ಆದರೆ ಈಗ ಬಜೆಟ್ ಸಮಸ್ಯೆಯಿಂದ ಬಾಲಿವುಡ್ ಸಿನಿಮಾ ಅರ್ಧಕ್ಕೇ ನಿಂತಿದೆ. ಇತ್ತ ಟಾಲಿವುಡ್ ಸಿನಿಮಾವೂ ಕೈತಪ್ಪಿದೆ. ಹೀಗಾಗಿ ಈಗ ರಶ್ಮಿಕಾ ಸ್ಥಿತಿ ಅತ್ತಲೂ ಇಲ್ಲ, ಇತ್ತಲೂ ಎಂಬಂತಾಗಿದೆ.
