ಮತ್ತೆ ವಿಜಯ್ ದೇವರಕೊಂಡಗೆ ರಶ್ಮಿಕಾ ಮಂದಣ್ಣ ಲಿಪ್ ಲಾಕ್: ಇದು ಬೇಕಿತ್ತಾ ರಶ್ಮಿಕಾ?!

ಬೆಂಗಳೂರು: ಗೀತ ಗೋವಿಂದಂನಲ್ಲಿ ವಿಜಯ್ ದೇವರಕೊಂಡಗೆ ಲಿಪ್ ಲಾಕ್ ಮಾಡಿ ಸುದ್ದಿಯಾಗಿದ್ದ ರಶ್ಮಿಕಾ ಮಂದಣ್ಣ ಈಗ ಮಿಸ್ಟರ್ ಕಾಮ್ರೇಡ್ ಚಿತ್ರದ ಟೀಸರ್ ನಲ್ಲಿ ಮತ್ತೆ ಲಿಪ್ ಲಾಕ್ ಸೀನ್ ಮೂಲಕ ಟ್ರೋಲ್ ಗೊಳಗಾಗಿದ್ದಾರೆ.

ಗೀತ ಗೋವಿಂದಂ ಲಿಪ್ ಲಾಕ್ ಸೀನ್ ವೈರಲ್ ಆದ ಬಳಿಕ ರಕ್ಷಿತ್ ಶೆಟ್ಟಿ ಜತೆಗಿನ ಎಂಗೇಜ್ ಮೆಂಟ್ ಮುರಿದು ರಶ್ಮಿಕಾ ಭಾರೀ ಸುದ್ದಿಯಾಗಿದ್ದರು. ರಕ್ಷಿತ್ ಅಭಿಮಾನಿಗಳು ರಶ್ಮಿಕಾರನ್ನು ಬಾಯಿಗೆ ಬಂದಂತೆ ಟ್ರೋಲ್ ಮಾಡಿದ್ದರು.

ಇದೀಗ ಕಾಮ್ರೇಡ್ ಸಿನಿಮಾದ ಟೀಸರ್ ಬಿಡುಗಡೆಯಾಗಿದ್ದು, ಅಲ್ಲೂ ರಶ್ಮಿಕಾ ಮತ್ತೆ ವಿಜಯ್ ದೇವರಕೊಂಡಗೆ ಲಿಪ್ ಕಿಸ್ ಮಾಡುವ ದೃಶ್ಯವಿದೆ. ಇದನ್ನು ನೋಡಿ ಅಭಿಮಾನಿಗಳು ಐ ಹೇಟ್ ಯೂ ಎನ್ನಲು ಆರಂಭಿಸಿದ್ದಾರೆ.

ಕೆಲವರು ಈ ಸಿನಿಮಾದಲ್ಲೂ ಲಿಪ್ ಲಾಕ್ ಮಾಡುವ ಅಗತ್ಯವಿತ್ತೇ ಎಂದು ಪ್ರಶ್ನಿಸಿದ್ದಾರೆ. ಮತ್ತೆ ಕೆಲವರು ರಕ್ಷಿತ್ ಶೆಟ್ಟಿ ನಿಮ್ಮನ್ನು ಮದುವೆಯಾಗದಿದ್ದದ್ದೇ ಒಳ್ಳೆಯದಾಯಿತು ಎಂದಿದ್ದಾರೆ. ಮತ್ತೆ ಲಿಪ್ ಲಾಕ್ ಸೀನ್ ಮಾಡಿದ್ದು ಅಭಿಮಾನಿಗಳಿಗೆ ಸ್ವಲ್ಪವೂ ಇಷ್ಟವಾಗಿಲ್ಲ. ಇದೀಗ ಮತ್ತೆ ರಶ್ಮಿಕಾ-ವಿಜಯ್ ಜೋಡಿ ಸಿನಿಮಾಗಿಂತ ಲಿಪ್ ಲಾಕ್ ಮೂಲಕವೇ ಸುದ್ದಿಯಾಗಿದ್ದಾರೆ.

ತಾಜಾ ಸುದ್ದಿಗಳನ್ನು ಓದಲು ವೆಬ್ ದುನಿಯಾ ಮೊಬೈಲ್ ಆಪ್ ಡೌನ್ ಲೋಡ್ ಮಾಡಿ