ಬ್ಯುಸಿ ಮಧ್ಯೆಯೂ ಕೊಡಗಿಗೆ ಬಂದು ಗೆಳತಿಗೆ ಹಾರೈಸಿದ ರಶ್ಮಿಕಾ ಮಂದಣ್ಣ

photo Courtesy Instagram

ಬೆಂಗಳೂರು: ಕಿರಿಕ್ ಪಾರ್ಟಿ ಸಿನಿಮಾದ ಮೂಲಕ ಚಿತ್ರರಂಗಕ್ಕೆ ಪಾದಾರ್ಪಣೆ ಮಾಡಿ ಇಂದು ನ್ಯಾಶನಲ್ ಕ್ರಶ್ ಆಗಿ ಬಹುಬೇಡಿಕೆಯ ನಟಿಯಾಗಿರುವ ರಶ್ಮಿಕಾ ಮಂದಣ್ಣ ತನ್ನ ಬ್ಯುಸಿ ಸ್ಕೆಡ್ಯೂಲ್‌ನಿಂದ ಬಿಡುವು ಪಡೆದು ಕೊಡಗಿಗೆ ಬಂದಿದ್ದಾರೆ.

ವಿರಾಟಪೇಟೆಯ ರಶ್ಮಿಕಾ ಮಂದಣ್ಣ ತನ್ನ ತವರು ಕೊಡಗಿಗೆ ಆಗಮಿಸಿದ್ದು, ಕೊಡಗಿನ ಸಾಂಪ್ರದಾಯಿಕ ಶೈಲಿಯಲ್ಲಿ ಸೀರೆಯುಟ್ಟು ತನ್ನ ಬಾಲ್ಯದ ಗೆಳತಿಯರ ಜತೆ ಫೋಟೋಗೆ ಪೋಸ್ ನೀಡಿದ್ದಾರೆ.

ಗೆಳತಿ ಯಾತ್ರಾ ದೇಚಮ್ಮಳ ಮದುವೆಗೆ ಬಂದ ನ್ಯಾಷನಲ್‌ ಕ್ರಶ್‌ ನೀಲಿ ಸೀರೆಯಲ್ಲಿ ಮಿಂಚಿದ್ದು, ಸ್ನೇಹಿತರ ಜತೆ ಕಳೆದ ಸಂತಸದ ಕ್ಷಣಗಳನ್ನು ಸಾಮಾಜಿಕ ಜಾಲತಾಣದಲ್ಲಿ ಹಂಚಿಕೊಂಡಿದ್ದಾರೆ.  

ಇನ್ಸ್‌ಸ್ಟಾಗ್ರಾಂನಲ್ಲಿ ಗೆಳತಿಗೆ ಶುಭಹಾರೈಸಿರುವ ರಶ್ಮಿಕಾ, "ನಾನು ಮತ್ತು ನನ್ನ ಗೆಳತಿಯರು ಯಾತ್ರಾ ದೇಚಮ್ಮಳ ಜತೆ ಬೆಳೆದೆವು. ನಿನ್ನ ಮದುವೆಯ ಈ ಕ್ಷಣ ನೀನು ಬಿಝಿ ಇದ್ದ ಕಾರಣ ನಿನ್ನ ಜತೆಗೆ ಫೋಟೋ ತೆಗೆದುಕೊಳ್ಳಲಾಗಲಿಲ್ಲ. ಈ ಮೂಲಕ ನಿನಗೆ ನಿನಗೆ ನಿನ್ನ ಸಂಗಾತಿ ಜತೆಗೆ ಅತ್ಯುತ್ತಮ ಆರೋಗ್ಯ, ಜೀವನ ಪೂರ್ತಿ ಸಂತೋಷ ದೊರಕಲಿ" ಎಂದು ರಶ್ಮಿಕಾ ಮಂದಣ್ಣ ಗೆಳತಿಗೆ ಶುಭ ಹಾರೈಸಿದ್ದಾರೆ.  

ಸದ್ಯ ರಶ್ಮಿಕಾ ನಟನೆಯ ಪುಷ್ಪಾ 2 ಸಿನಿಮಾ ರಿಲೀಸ್‌ಗೆ ಅವರ ಅಭಿಮಾನಿಗಳು ಕಾತುರದಿಂದ ಕಾಯುತ್ತಿದ್ದು, ರಶ್ಮಿಕಾ ತೆಲುಗು, ತಮಿಳು ಹಾಗೂ ಬಾಲಿವುಡ್ ಚಿತ್ರಗಳಲ್ಲಿ ಬ್ಯುಸಿಯಾಗಿದ್ದಾರೆ.