ಸಹೋದರನನ್ನು ನೋಡಲು ದಿಡೀರ್ ಬೆಂಗಳೂರಿಗೆ ಬಂದ ರಜನೀಕಾಂತ್

ಬೆಂಗಳೂರು: ಸೂಪರ್ ಸ್ಟಾರ್ ರಜನೀಕಾಂತ್ ಗೆ ಬೆಂಗಳೂರು ಹೊಸದೇನಲ್ಲ. ಆಗಾಗ ಮಾರು ವೇಷದಲ್ಲಿ ರಜನಿ ಸಾಮಾನ್ಯರಂತೇ ಬೆಂಗಳೂರಿನಲ್ಲಿ ಓಡಾಡುತ್ತಾರೆ ಎಂಬ ಬಗ್ಗೆ ಹಲವು ಬಾರಿ ಕೇಳಿದ್ದೇವೆ.

ಆದರೆ ಈಗ ರಜನೀಕಾಂತ್ ದಿಡೀರ್ ಆಗಿ ತಮ್ಮ ಬ್ಯುಸಿ ಶೆಡ್ಯೂಲ್ ನ ಶೂಟಿಂಗ್ ನ್ನೂ ಅರ್ಧದಲ್ಲಿ ಬಿಟ್ಟು ಬೆಂಗಳೂರಿಗೆ ಧಾವಿಸಿದ್ದಾರೆ. ಇದಕ್ಕೆ ಕಾರಣ ರಜನಿ ಸಹೋದರ ಸತ್ಯನಾರಾಯಣ ರಾವ್ ಗಾಯಕ್ ವಾಡ್.

ಸತ್ಯನಾರಾಯಣ ರಾವ್ ಮಂಡಿ ಶಸ್ತ್ರಚಿಕಿತ್ಸೆಗಾಗಿ ಖಾಸಗಿ ಆಸ್ಪತ್ರೆಗೆ ದಾಖಲಾಗಿದ್ದಾರೆ. ಇದೇ ಕಾರಣಕ್ಕೆ ರಜನಿ ತಮ್ಮ ಸಹೋದರನನ್ನು ಕಾಣಲು ಧಾವಿಸಿ ಬಂದಿದ್ದಾರೆ.