ಹೈದರಾಬಾದ್: ಬಾಹುಬಲಿ, ಈಗ ಅಂತಹ ಹಿಟ್ ಸಿನಿಮಾಗಳನ್ನು ಕೊಟ್ಟ ನಿರ್ದೇಶಕ ರಾಜಮೌಳಿ ಈಗ ಜ್ಯೂನಿಯರ್ ಎನ್ ಟಿಆರ್ ಮತ್ತು ರಾಮ್ ಚರಣ್ ತೇಜಾ ಜತೆಗೆ ಒಂದು ಸಿನಿಮಾ ಮಾಡುತ್ತಿದ್ದಾರೆ.
‘ಆರ್ ಆರ್ ಆರ್’ ಎಂಬ ಈ ಸಿನಿಮಾದ ಒಂದು ಫೈಟಿಂಗ್ ಸೀಕ್ವೆನ್ಸ್ ಗಾಗಿ ರಾಜಮೌಳಿ ಬರೋಬ್ಬರಿ 45 ಕೋಟಿ ರೂ. ವೆಚ್ಚ ಮಾಡಲಿದ್ದಾರಂತೆ. ರಾಜಮೌಳಿ ಸಿನಿಮಾಗಳೆಂದರೇ ಹಾಗೆ ಅದ್ಧೂರಿ ಸೆಟ್, ಅದ್ಧೂರಿ ಫೈಟಿಂಗ್ ಇದ್ದೇ ಇರುತ್ತದೆ.
ಈ ಅದ್ಧೂರಿ ಫೈಟಿಂಗ್ ದೃಶ್ಯದಲ್ಲಿ 2 ಸಾವಿರಕ್ಕೂ ಅಧಿಕ ಮಂದಿ ಪಾಲ್ಗೊಳ್ಳಲಿದ್ದಾರಂತೆ. ಅಂದ ಹಾಗೆ ಸಿನಿಮಾ ಮುಂದಿನ ವರ್ಷ ತೆರೆ ಕಾಣುವ ನಿರೀಕ್ಷೆಯಿದೆ.
