ಸ್ಟಾರ್ ಡಂ ಬಿಟ್ಟು ಚಕ್ಕಳಮಕ್ಕಳ ಹಾಕಿ ಕುಳಿತೇ ಬಿಟ್ರು ರಚಿತಾ ರಾಂ

ಬೆಂಗಳೂರು: ಡಾಲಿ ಧನಂಜಯ್ ಅಭಿನಯದ ಬಡವ ರಾಸ್ಕಲ್ ಕಾರ್ಯಕ್ರಮದಲ್ಲಿ ಚಿತ್ರರಂಗದ ಗಣ್ಯರೆಲ್ಲಾ ಒಂದಾಗಿ ಸಿನಿಮಾಗೆ ಶುಭ ಹಾರೈಸಿದ್ದರು.

ಕಾರ್ಯಕ್ರಮದ ಕೊನೆಯಲ್ಲಿ ಎಲ್ಲಾ ಗಣ್ಯರೂ ವೇದಿಕೆಗೆ ಬಂದು ಗ್ರೂಪ್ ಫೋಟೋಗೆ ಪೋಸ್ ನೀಡಿದ್ದರು. ಈ ವೇಳೆ ಶಿವರಾಜ್ ಕುಮಾರ್, ತಾರಾ ಅನುರಾಧ, ರಂಗಾಯಣ ರಘು, ದುನಿಯಾ ವಿಜಯ್, ಡಾಲಿ ಧನಂಜಯ್, ವಸಿಷ್ಠ ಸಿಂಹ, ಲೂಸ್ ಮಾದ ಯೋಗಿ ಸೇರಿದಂತೆ ನಟರ ದಂಡೇ ಸೇರಿತ್ತು.

ಎಲ್ಲರೂ ವೇದಿಕೆಗೆ ಏರಿದಾಗ ಫೋಟೋಗೆ ಪೋಸ್ ನೀಡಲು ಜಾಗವಿಲ್ಲದಂತಾಯ್ತು. ಈ ವೇಳೆ ನಟಿ ರಚಿತಾ ರಾಂ ತಮ್ಮ ಸ್ಟಾರ್ ಡಂ ಬದಿಗಿಟ್ಟು ವೇದಿಕೆಯಲ್ಲಿ ಚಕ್ಕಮಕ್ಕಳ ಹಾಕಿ ಕೂತು ಫೋಟೋಗೆ ಪೋಸ್ ಕೊಟ್ಟರು. ಎಲ್ಲರೂ ಅವಾಕ್ಕಾಗಿ ನೋಡುತ್ತಿದ್ದರೆ ಅವರಿಗೆ ನಟಿ ಅಮೃತಾ ಅಯ್ಯಂಗಾರ್ ಕೂಡಾ ಸಾಥ್ ನೀಡಿದರು.