ಬಾವನ ಜತೆ ಮಧುಮಗಳಂತೆ ಫೋಟೋ ತೆಗೆಸಿಕೊಂಡ ರಚಿತಾ ರಾಮ್ ನೋಡಿ ನೆಟ್ಟಿಗರು ಕನ್ ಫ್ಯೂಸ್!

ಬೆಂಗಳೂರು: ಡಿಂಪಲ್ ಕ್ವೀನ್ ರಚಿತಾ ರಾಮ್ ತಮ್ಮ ಅಕ್ಕ ನಿತ್ಯಾ ರಾಮ್ ಮದುವೆ ಸಂದರ್ಭದಲ್ಲಿ ತೆಗೆಸಿಕೊಂಡ ಫೋಟೋವನ್ನು ತಮ್ಮ ಇನ್ ಸ್ಟಾ ಪೇಜ್ ನಲ್ಲಿ ಪ್ರಕಟಿಸಿದ್ದು, ಫೋಟೋ ನೋಡಿದ ನೆಟ್ಟಿಗರು ಫುಲ್ ಕನ್ ಫ್ಯೂಸ್ ಆಗಿದ್ದಾರೆ.

ನಿತ್ಯಾ ಮತ್ತು ಗೌತಮ್ ಡಿಸೆಂಬರ್ 6 ರಂದು ವೈವಾಹಿಕ ಜೀವನಕ್ಕೆ ಕಾಲಿಟ್ಟಿದ್ದರು. ಈ ಸಂದರ್ಭದಲ್ಲಿ ಬಾವ ಗೌತಮ್ ಜತೆ ರಚಿತಾ ಹೂ ಮಾಲೆ ಹಾಕಿಕೊಂಡು ಮದುಮಗನ ಟೋಪಿ ಧರಿಸಿಕೊಂಡು ಕ್ಲೋಸ್ ಆಗಿ ನಿಂತಿರುವ ಫೋಟೋವನ್ನು ತಮಾಷೆಗಾಗಿ ಪ್ರಕಟಿಸಿದ್ದರು.

ಇದನ್ನು ನೋಡಿದ ನೆಟ್ಟಿಗರು ಮದುವೆಯಾಗಿದ್ದು ನೀವಾ? ನಿಮ್ಮ ಅಕ್ಕನಾ? ಎಂದು ಪ್ರಶ್ನಿಸಲಾರಂಭಿಸಿದ್ದಾರೆ. ಇನ್ನು ಕೆಲವರು ಮುಂದಿನ ಮದುಮಗಳು ಎಂದೂ ಕಾಲೆಳೆದಿದ್ದಾರೆ.