Publish Date: Wed, 05 Jun 2019 (09:51 IST)
Updated Date: Wed, 05 Jun 2019 (17:20 IST)
ಬೆಂಗಳೂರು: ಪೈಲ್ವಾನ್ ಹೊಸ ಪೋಸ್ಟರ್ ಈಗ ಭಾರೀ ಸದ್ದು ಮಾಡುತ್ತಿದ್ದು, ಕಿಚ್ಚ ಸುದೀಪ್ ಅವತಾರಕ್ಕೆ ಭಾರೀ ಮೆಚ್ಚುಗೆ ವ್ಯಕ್ತವಾಗುತ್ತಿದೆ.
ಚಿತ್ರರಂಗದ ಸ್ನೇಹಿತರು ಕಿಚ್ಚನಿಗೆ ಶುಭಾಷಯಗಳ ಸುರಿಮಳೆಗೈಯುತ್ತಿದ್ದಾರೆ. ಈ ಚಿತ್ರ ಹಿಟ್ ಆಗುವುದು ಪಕ್ಕಾ ಎನ್ನುತ್ತಿದ್ದಾರೆ. ಈ ನಡುವೆ ಪೋಸ್ಟರ್ ಬಿಡುಗಡೆ ಮಾಡಿದ ಕಿಚ್ಚ ನನ್ನ ಮೇಲೆ ನಂಬಿಕೆಯಿಟ್ಟವರಿಗಾಗಿ ಮತ್ತು ನಾನು ನಂಬುವ ಎಲ್ಲರಿಗಾಗಿ.. ನನ್ನ ಮೇಲೆ ಭರವಸೆಯಿಟ್ಟವರಿಗೆ ಧನ್ಯವಾದ ಎನ್ನುತ್ತಾ ಹೊಸ ಪೋಸ್ಟರ್ ಲಾಂಚ್ ಮಾಡಿದ್ದಾರೆ.
ಇದಕ್ಕೆ ಪ್ರತಿಕ್ರಿಯಿಸಿರುವ ಕಿಚ್ಚ ಸುದೀಪ್ ಪತ್ನಿ ಪ್ರಿಯಾ ನಾನು ವಿಶ್ವಾಸ ಹೊಂದಿರುವ ನಿಮಗಾಗಿ, ತನ್ನ ಮನಸ್ಸಿನಲ್ಲಿ ಯಾವುದೇ ಗುರಿ ಹಾಕಿಕೊಂಡರೂ ಅದನ್ನು ಪೂರ್ತಿ ಮಾಡಬಲ್ಲ ಛಲಗಾರನಿಗಾಗಿ ಈ ಪೋಸ್ಟರ್. ನಿಮ್ಮ ಬಗ್ಗೆ ನನಗೆ ಹೆಮ್ಮೆಯಾಗುತ್ತಿದೆ ಎಂದು ಪ್ರಿಯಾ ಪತಿಗೆ ಪ್ರೀತಿಯಿಂದ ಹಾರೈಸಿದ್ದಾರೆ.