ನಟ ಪ್ರಭಾಸ್ ಗೆ ಕೊನೆಗೂ ಮದುವೆ ಫಿಕ್ಸ್?

ಹೈದರಾಬಾದ್: ಟಾಲಿವುಡ್ ಸ್ಟಾರ್ ನಟ ಪ್ರಭಾಸ್ ಗೆ ಕೊನೆಗೂ ಮದುವೆ ಫಿಕ್ಸ್ ಆಗಿದೆಯಂತೆ! ಹೀಗೊಂದು ಸುದ್ದಿ ಇದೀಗ ಹರಿದಾಡುತ್ತಿದೆ.

ಬಾಹುಬಲಿ ಸಿನಿಮಾ ಬಿಡುಗಡೆಯಾದ ಬಳಿಕ ಹಲವು ಬಾರಿ ಪ್ರಭಾಸ್ ಮದುವೆ ಬಗ್ಗೆ ಗಾಸಿಪ್ ಹುಟ್ಟಿಕೊಂಡಿತ್ತು. ಹಲವು ಬಾರಿ ನಟ ಇದನ್ನು ನಿರಾಕರಿಸಿಯೂ ಆಗಿತ್ತು. ಈ ನಡುವೆ ಅನುಷ್ಕಾ ಶೆಟ್ಟಿ ಜೊತೆ ಪ್ರಭಾಸ್ ಮದುವೆಯಾಗಲಿದ್ದಾರೆ ಎಂಬ ಸುದ್ದಿಯೂ ಇತ್ತು.

ಆದರೆ ಇದುವರೆಗೆ ಸ್ವತಃ ಪ್ರಭಾಸ್ ಮದುವೆ ಬಗ್ಗೆ ತುಟಿಪಿಟಕ್ ಎಂದಿಲ್ಲ. ಇದೀಗ ಈ ವರ್ಷದಂತ್ಯದೊಳಗೆ ಪ್ರಭಾಸ್ ಮದುವೆಯಾಗಲಿದ್ದಾರೆ. ಮನೆಯವರು ತೋರಿಸಿದ ಹುಡುಗಿಗೇ ತಾಳಿಕಟ್ಟಲಿದ್ದಾರೆ ಎಂಬ ಸುದ್ದಿ ಹರಿದಾಡುತ್ತಿದೆ. ಇದು ಎಷ್ಟು ನಿಜ ಎಂದು ಸ್ವತಃ ಪ್ರಬಾಸ್ ಹೇಳಬೇಕು.