ಸಲಾರ್ ಮೂಲಕ ದಾಖಲೆ ಮಾಡಲಿದ್ದಾರೆ ಪ್ರಭಾಸ್

ಹೈದರಾಬಾದ್: ಹೊಂಬಾಳೆ ಫಿಲಂಸ್ ನಿರ್ಮಿಸಿರುವ ಪ್ರಭಾಸ್ ನಾಯಕರಾಗಿರುವ ಬಹುನಿರೀಕ್ಷಿತ ಪ್ಯಾನ್ ಇಂಡಿಯಾ ಸಿನಿಮಾ ಸಲಾರ್ ನಾಳೆ ವಿಶ್ವದಾದ್ಯಂತ ಬಿಡುಗಡೆಯಾಗುತ್ತಿದೆ.

ಬಾಲಿವುಡ್ ನ ಡಂಕಿ ಸಿನಿಮಾವೂ ಇದೇ ದಿನ ಬಿಡುಗಡೆಯಾಗುತ್ತಿದೆ. ಹೀಗಾಗಿ ಅಡ್ವಾನ್ಸ್ ಬುಕಿಂಗ್ ವಿಚಾರದಲ್ಲಿ ಸಲಾರ್ ಮತ್ತು ಡಂಕಿ ನಡುವೆ ತೀವ್ರ ಪೈಪೋಟಿಯಿದೆ.

ಹಾಗಿದ್ದರೂ ಸದ್ಯದ ಮಟ್ಟಿಗೆ ನೋಡುವುದಾದರೆ ದಕ್ಷಿಣ ಭಾರತದಲ್ಲಿ ಸಲಾರ್ ಹವಾ ಜೋರಾಗಿಯೇ ಇದೆ. ಅಡ್ವಾನ್ಸ್ ಬುಕಿಂಗ್ ನಲ್ಲೂ ಸಲಾರ್ ಮುಂದಿದೆ. ಹೀಗಾಗಿ ಮೊದಲ ದಿನದ ಗಳಿಕೆಯಲ್ಲಿ ಸಲಾರ್ 100 ಕೋಟಿ ಗಳಿಕೆ ದಾಟಬಹುದು ಎಂಬ ನಿರೀಕ್ಷೆಯಿದೆ.

ಒಂದು ವೇಳೆ ಸಲಾರ್ ಸಿನಿಮಾ ಮೊದಲ ದಿನವೇ 100 ಕೋಟಿ ರೂ. ಬಾಚಿಕೊಂಡರೆ ಪ್ರಭಾಸ್ ದಾಖಲೆ ಮಾಡಲಿದ್ದಾರೆ. ಒಂದೇ ವರ್ಷ ಅವರ ಎರಡು ಸಿನಿಮಾಗಳು ಮೊದಲ ದಿನವೇ 100 ಕೋಟಿ ರೂ. ಗಳಿಕೆ ದಾಟಿದ ದಾಖಲೆ ಮಾಡಲಿದೆ. ಇದಕ್ಕೆ ಮೊದಲು ಇದೇ ವರ್ಷ ಪ್ರಭಾಸ್ ನಾಯಕರಾಗಿದ್ದ ಆದಿಪುರುಷ್ ಸಿನಿಮಾ ಮೊದಲ ದಿನ 100 ಕೋಟಿ ಗಳಿಕೆ ಮಾಡಿತ್ತು. ಇದೀಗ ಮತ್ತೊಮ್ಮೆ ಅದೇ ದಾಖಲೆ ಮಾಡಿದಂತಾಗಲಿದೆ.