ಬೆಂಗಳೂರು: ಬಹುನಿರೀಕ್ಷಿತ ಎರಡು ಸಿನಿಮಾಗಳಾದ ಸಲಾರ್ ಮತ್ತು ಡಂಕಿ ಡಿಸೆಂಬರ್ 22 ರಂದು ಬಿಡುಗಡೆಯಾಗಲಿವೆ. ಇದೀಗ ಅಡ್ವಾನ್ಸ್ ಬುಕಿಂಗ್ ನಲ್ಲಿ ಎರಡೂ ಸಿನಿಮಾಗಳು ಜಿದ್ದಾಜಿದ್ದಿನ ಪೈಪೋಟಿ ನಡೆಸುತ್ತಿದೆ.
ಟಾಲಿವುಡ್ ನ ಸಲಾರ್ ಮತ್ತು ಬಾಲಿವುಡ್ ನ ಡಂಕಿ ನಡುವೆ ಮೊದಲ ದಿನವೇ ಗೆಲ್ಲುವವರು ಯಾರು ಎಂಬ ಪ್ರಶ್ನೆ ಮೂಡಿದೆ. ಅಡ್ವಾನ್ಸ್ ಬುಕಿಂಗ್ ನಲ್ಲಿ ಒಮ್ಮೆ ಸಲಾರ್ ಮುಂದೆ ಹೋದರೆ, ಮತ್ತೊಮ್ಮೆ ಡಂಕಿ ಮೇಲುಗೈ ಸಾಧಿಸುತ್ತಿದೆ.
ವಿದೇಶದಲ್ಲೂ ಈ ಪೈಪೋಟಿ ಕಂಡುಬಂದಿದೆ. ದುಬೈನಲ್ಲಿ ಶಾರುಖ್ ಖಾನ್ ಗೆ ಅನೇಕ ಅಭಿಮಾನಿಗಳಿದ್ದು, ಅಲ್ಲಿ ಡಂಕಿ ಸಿನಿಮಾವೇ ಮೇಲುಗೈ ಸಾಧಿಸಬಹುದು ಎಂದು ಲೆಕ್ಕಾಚಾರ ಹಾಕಲಾಗಿದೆ.
ಮೊನ್ನೆ ಸಲಾರ್ ಮುನ್ನಡೆಯಲ್ಲಿತ್ತು. ಆದರೆ ನಿನ್ನೆ ಡಂಕಿ ಅಡ್ವಾನ್ಸ್ ಬುಕಿಂಗ್ ಹೆಚ್ಚಾಗಿತ್ತು. ಆದರೆ ಇಂದು ಮತ್ತೆ ಸಲಾರ್ ಗೆ ಮುಂಚೂಣಿಯಲ್ಲಿದೆ. ಹೀಗಾಗಿ ಮೊದಲ ದಿನ ಎರಡೂ ಸಿನಿಮಾಗಳೂ ಕೋಟಿ ಕೋಟಿ ಬಾಚಲು ರೆಡಿಯಾಗಿದೆ.
