ಕೊಚ್ಚಿ: ಮಲಯಾಳಂ ಸೂಪರ್ ಸ್ಟಾರ್ ಮೋಹನ್ ಲಾಲ್ ಹೊಸ ಸಿನಿಮಾವೊಂದರ ಟೈಟಲ್ ನಿನ್ನೆ ಘೋಷಣೆಯಾಗಿತ್ತು. ಆದರೆ ಈ ಸಿನಿಮಾ ಟೈಟಲ್ ಪೋಸ್ಟರ್ ನಲ್ಲಿ ಮಾಡಿರುವ ಕ್ರಿಯೇಟಿವ್ ಐಡಿಯಾ ಹೊಸ ಚರ್ಚೆಗೆ ಕಾರಣವಾಗಿದೆ.
ಟೈಟಲ್ ‘ಅಲೋನ್’ ಎಂದು ಇಂಗ್ಲಿಷ್ ನಲ್ಲಿದ್ದರೂ ಇದು ಎ ಲಯನ್ ಎಂದು ಇರಬಹುದು ಎಂದು ನೆಟ್ಟಿಗರು ಅಭಿಪ್ರಾಯಪಟ್ಟಿದ್ದಾರೆ. ಇಂಗ್ಲಿಷ್ ಅಕ್ಷರ ಎಲ್ ಮಧ್ಯೆ ಮೋಹನ್ ಲಾಲ್ ನಿಂತಿರುವ ಫೋಟೋವಿದೆ. ಇದೊಂದು ರೀತಿಯ ಕ್ರಿಯೇಟಿವ್ ಪೋಸ್ಟರ್ ಆಗಿದೆ.
ಈ ಸಿನಿಮಾ ಆಶೀರ್ವಾದ್ ಸಿನಿಮಾಸ್ ನಿರ್ಮಾಣದ 30 ನೇ ಸಿನಿಮಾವಾಗಿದ್ದು, ಶಾಜಿ ಕೈಲಾಶ್ ಮೋಹನ್ ಲಾಲ್ ಗೆ ಆಕ್ಷನ್ ಕಟ್ ಹೇಳುತ್ತಿದ್ದಾರೆ.
