ಬೆಂಗಳೂರು: ಕಷ್ಟದಲ್ಲಿರುವ ಮಂದಿಗೆ ಸಹಾಯ ಮಾಡುವಲ್ಲಿ ಕಿಚ್ಚ ಸುದೀಪ್ ಸದಾ ಎತ್ತಿದ ಕೈ. ಸುದೀಪ್ ಪರವಾಗಿ ಕೆಲಸ ಮಾಡಲು ಅವರದೇ ಹೆಸರಿನ ಚ್ಯಾರಿಟೇಬಲ್ ಸೊಸೈಟಿ ಇದೆ.
ಇದಕ್ಕೆ ಇಂದಿಗೆ 4 ವರ್ಷ ತುಂಬಿದೆ. ‘ಮೊದಲು ಮಾನವನಾಗು’ ಎಂಬ ಧ್ಯೇಯ ವಾಕ್ಯದೊಂದಿಗೆ ಈ ಸಂಸ್ಥೆ ಅನೇಕರಿಗೆ ಸಹಾಯ ಮಾಡಿದೆ. ಸುದೀಪ್ ಈ ಸಂಸ್ಥೆಯ ಮೂಲಕ ಎಷ್ಟೋ ಜನರಿಗೆ ನೆರವಾಗಿದ್ದಾರೆ. ಇದರ ನಾಲ್ಕನೇ ವರ್ಷಾಚರಣೆ ಪ್ರಯುಕ್ತ ಸುದೀಪ್ ಮಾತನಾಡಿದ್ದು, ‘ಒಂದು ತುತ್ತು ಜೀವವನ್ನು ಉಳಿಸೋದಾದ್ರೆ ಆ ಮೊದಲನೇ ತುತ್ತು ನನ್ನದಾಗಲಿ’ ಎಂದು ತಮ್ಮ ಈ ಸಮಾಜಸೇವೆಯ ಉದ್ದೇಶವನ್ನು ಹೇಳಿಕೊಂಡಿದ್ದಾರೆ.
