ವಿಕ್ರಾಂತ್ ರೋಣ ಎರಡನೇ ಭಾಗದ ಬಗ್ಗೆ ಸುಳಿವು ಕೊಟ್ಟ ಕಿಚ್ಚ ಸುದೀಪ್

ಬೆಂಗಳೂರು: ಬಹುನಿರೀಕ್ಷಿತ ಪ್ಯಾನ್ ಇಂಡಿಯಾ ಸಿನಿಮಾ ವಿಕ್ರಾಂತ್ ರೋಣ ತೆರೆಗೆ ಬರಲು ರೆಡಿಯಾಗಿದೆ. ಜುಲೈ 28 ರಂದು ವಿವಿಧ ಭಾಷೆಗಳಲ್ಲಿ 3ಡಿಯಲ್ಲಿ ಸಿನಿಮಾ ಬಿಡುಗಡೆಯಾಗಲಿದೆ.

ಈ ಸಿನಿಮಾ ಟ್ರೈಲರ್ ನಿಂದಲೇ ಎಲ್ಲಾ ಭಾಷಿಕರನ್ನೂ ಸೆಳೆಯುತ್ತಿದೆ. ಹೀಗಾಗಿ ಚಿತ್ರದ ಎರಡನೇ ಭಾಗ ಬರಬಹುದೇ ಎಂಬ ಕುತೂಹಲ ಎಲ್ಲರಲ್ಲಿದೆ.

ಈ ಬಗ್ಗೆ ಕಿಚ್ಚ ಸುದೀಪ್ ಸಂದರ್ಶನವೊಂದರಲ್ಲಿ ಸುಳಿವು ನೀಡಿದ್ದಾರೆ. ವಿಕ್ರಾಂತ್ ರೋಣ ಎನ್ನುವುದು ನಮ್ಮ ಕನಸಿನ ಕೂಸು. ಇದು ಇನ್ನೂ ಆರಂಭ ಅಷ್ಟೇ. ಏನಾದರೂ ಆಕರ್ಷಕ ವಿಷಯವಿದೆ ಎಂದರೆ ಖಂಡಿತಾ ಎರಡನೇ ಭಾಗದ ಬಗ್ಗೆ ಯೋಚಿಸುತ್ತೇವೆ’ ಎಂದಿದ್ದಾರೆ. ಹೀಗಾಗಿ ಮೊದಲ ಭಾಗಕ್ಕೆ ಸಿಗುವ ಪ್ರತಿಕ್ರಿಯೆ ನೋಡಿಕೊಂಡು ವಿಕ್ರಾಂತ್ ರೋಣ ಎರಡನೇ ಭಾಗ ನಿರ್ಮಾಣವಾದರೂ ಅಚ್ಚರಿಯಿಲ್ಲ.