ಬೆಂಗಳೂರು: ಕಿಚ್ಚ ಸುದೀಪ್ ಕಷ್ಟದಲ್ಲಿರುವವರ ಸಹಾಯಕ್ಕೆ ಯಾವತ್ತೂ ಮುಂದೆ ನಿಲ್ಲುತ್ತಾರೆ. ಹಾಗಿರುವಾಗ ಕಷ್ಟವೆಂದು ಅಸಹಾಯಕನಾಗಿ ಕುಳಿತ ಅಭಿಮಾನಿಗೆ ಸಹಾಯ ಮಾಡದೇ ಇರುತ್ತಾರೆಯೇ? ಅಂತಹದ್ದೇ ಒಂದು ಘಟನೆ ನಡೆದಿದೆ.
ಅಭಿಮಾನಿಯೊಬ್ಬರ ತಾಯಿ ಅನಾರೋಗ್ಯದಿಂದಾಗಿ ಆಸ್ಪತ್ರೆಗೆ ದಾಖಲಾಗಿದ್ದರು. ಆದರೆ ತಾಯಿಯ ಆಸ್ಪತ್ರೆ ಬಿಲ್ ಭರಿಸಲು ಶಕ್ತಿಯಿಲ್ಲದೇ ಕಿಚ್ಚನ ಅಭಿಮಾನಿಗಳು ಸಾಮಾಜಿಕ ಜಾಲತಾಣದಲ್ಲಿ ಬಿಲ್ ಸಮೇತ ಪ್ರಕಟಿಸಿ ಸಹಾಯಕ್ಕೆ ಮೊರೆ ಇಟ್ಟಿದ್ದರು.
ಆದರೆ ಕೆಲವೇ ನಿಮಿಷಗಳಲ್ಲಿ ಆಸ್ಪತ್ರೆಯಿಂದ ಅಭಿಮಾನಿಗೆ ಆಸ್ಪತ್ರೆ ಬಿಲ್ ಪಾವತಿಯಾದ ವಿವರ ಸಿಗುತ್ತದೆ. ಈ ಬಗ್ಗೆ ಆಸ್ಪತ್ರೆಯನ್ನು ವಿಚಾರಿಸಿದಾಗ ಸ್ವತಃ ಕಿಚ್ಚ ಸುದೀಪ್ ಬಿಲ್ ಪಾವತಿ ಮಾಡಿರುವುದಾಗಿ ವಿವರ ಸಿಗುತ್ತದೆ. ಸದ್ದಿಲ್ಲದೇ ತನ್ನ ಆರಾಧ್ಯ ದೈವವೇ ಬಿಲ್ ಪಾವತಿಸಿರುವುದು ಅಭಿಮಾನಿಗಳಿಗೂ ಖುಷಿಕೊಟ್ಟಿದೆ.
