ಬೆಂಗಳೂರು: ಹೊಂಬಾಳೆ ಫಿಲಂಸ್ ಕೇವಲ 18 ಕೋಟಿ ರೂ.ಗಳಲ್ಲಿ ನಿರ್ಮಿಸಿದ್ದ ಕಾಂತಾರ ಎನ್ನುವ ಸಿನಿಮಾ 500 ಕೋಟಿ ಗಳಿಕೆ ಮಾಡಿ ಎಲ್ಲರೂ ನಿಬ್ಬೆರಗಾಗುವಂತೆ ಮಾಡಿತ್ತು.
ಇದೀಗ ರಿಷಬ್ ಶೆಟ್ಟಿ ಕಾಂತಾರ 2 ಗೆ ತಯಾರಿ ಆರಂಭಿಸಿದ್ದಾರೆ. ಸ್ಕ್ರಿಪ್ಟ್ ಕೆಲಸ ಮುಗಿಸಿ ಲೊಕೇಷನ್ ಹುಡುಕಾಟದಲ್ಲಿದ್ದಾರೆ. ಈ ನಡುವೆ ಕಾಂತಾರ 2 ಬಜೆಟ್ ಬಗ್ಗೆ ಸುದ್ದಿಯೊಂದು ಹರಿದಾಡುತ್ತಿದೆ.
ಮೂಲಗಳ ಪ್ರಕಾರ ಕಾಂತಾರ 2 ಬಜೆಟ್ 125 ಕೋಟಿ ರೂ. ತಲುಪಲಿದೆ. ಕಾಂತಾರ 1 ಕ್ಕೆ ಸಿಕ್ಕಿದ ಯಶಸ್ಸು ಚಿತ್ರತಂಡದ ಜವಾಬ್ಧಾರಿ ಹೆಚ್ಚಿಸಿದ್ದು, ಮತ್ತಷ್ಟು ಅದ್ಭುತವಾಗಿ ಚಿತ್ರ ಹೊರತರಲು ಸಾಕಷ್ಟು ಖರ್ಚೂ ಮಾಡಲು ಮುಂದಾಗಿದೆ. ನವಂಬರ್ ನಿಂದ ಚಿತ್ರ ಸೆಟ್ಟೇರುವ ನಿರೀಕ್ಷೆಯಿದೆ.
