ಲಕ್ಷ್ಮಿ ಬಾರಮ್ಮ ಸೀರಿಯಲ್‌ನ ವಿಧಿಗೆ ಕಂಕಣ ಭಾಗ್ಯ, ಡಾಕ್ಟರ್‌ನ್ನು ಕೈ ಹಿಡಿಯಲಿರುವ ಲಾವಣ್ಯ

Photo Courtesy X

ಕಲರ್ಸ್ ಕನ್ನಡ ವಾಹಿನಿಯಲ್ಲಿ ಪ್ರಸಾರವಾಗುತ್ತಿರುವ ಟಾಪ್ ಸೀರಿಯಲ್‌ಗಳಲ್ಲಿ ಒಂದಾದ ಲಕ್ಷ್ಮಿ ಬಾರಮ್ಮ ಧಾರವಾಹಿಯ ವಿಧಿ ಪಾತ್ರಧಾರಿ ಲಾವಣ್ಯ ಹಿರೇಮಠ್ ಅವರು ದಾಂಪತ್ಯ ಜೀವನಕ್ಕೆ ಕಾಲಿಡಲು ರೆಡಿಯಾಗಿದ್ದಾರೆ. ಭಾವಿ ಪತಿ ಜೊತೆಗಿನ ರೊಮ್ಯಾಂಟಿಕ್ ಫೋಟೋ ಹಂಚಿಕೊಂಡು ಮದುವೆ ಬಗ್ಗೆ ಅಭಿಮಾನಿಗಳಿಗೆ ಸಿಹಿ ಸುದ್ದಿ ನೀಡಿದ್ದಾರೆ.

ತಮ್ಮ ಇನ್‌ಸ್ಟಾಗ್ರಾಂ ಖಾತೆಯಲ್ಲಿ ಬಾವಿ ಪತಿ ಜತೆಗಿನ ರೋಮ್ಯಾಂಟಿಕ್ ಫೋಟೋ ಹಂಚಿಕೊಂಡಿದ್ದಾರೆ. ಅದರಲ್ಲಿ ಮದುವೆಯಾಗುವ ಹುಡುಗ ಯಾರೆಂದು ಕೂಡ ಹೇಳಿದ್ದಾರೆ. ಡೆಂಟಿಸ್ಟ್ ಆಗಿರುವ ಲಾವಣ್ಯ ಅವರು ನಟನೆಯಲ್ಲೂ ಗುರುತಿಸಿಕೊಂಡಿದ್ದಾರೆ. ಇನ್ನೂ ಲಾವಣ್ಯ ಮದುವೆಯಾಗುವ ಹುಡುಗ ಅಕ್ಷಯ್ ಆಚಾರ್ಯ ಕೂಡಾ ವೈದ್ಯರಾಗಿದ್ದಾರೆ.

ಇನ್ನೂ ನವೆಂಬರ್ 11ರಂದು ಬಹುಕಾಲದ ಗೆಳೆಯ ಅಕ್ಷಯ್ ಜೊತೆ ಲಾವಣ್ಯ ಹಸೆಮಣೆ ಏರಲಿದ್ದಾರೆ. ನಟಿಯ ಮದುವೆಯಲ್ಲಿ ಕುಟುಂಬಸ್ಥರು. ಕಿರುತೆರೆ ಕಲಾವಿದರು, ಆಪ್ತರು ಭಾಗಿಯಾಗಲಿದ್ದಾರೆ.

ಲಕ್ಷ್ಮಿ ಬಾರಮ್ಮ ಸೀರಿಯಲ್‌ನಲ್ಲಿ  ಲಾವಣ್ಯ ಅವರು ವಿಧಿ ಪಾತ್ರದ ಮೂಲಕ ಭಾರೀ ಜನಮನ್ನಣೆ ಗಳಿಸಿದ್ದಾರೆ.