ಬೆಂಗಳೂರು: ನವರಸನಾಯಕ ಜಗ್ಗೇಶ್ ಸಾಮಾಜಿಕ ಜಾಲತಾಣದಲ್ಲಿ ತಮ್ಮ ಜೀವನದ ಎಲ್ಲಾ ಆಗು-ಹೋಗುಗಗಳನ್ನು ತೆರೆದ ಪುಸ್ತಕದಂತೆ ಬಿಚ್ಚಿಡುತ್ತಾರೆ. ಇದೀಗ ನಿರ್ದೇಶಕರ ದಿನವಾದ ನಿನ್ನೆಯೂ ಜಗ್ಗೇಶ್ ಕುತೂಹಲಕಾರಿ ವಿಚಾರವೊಂದನ್ನು ಬಿಚ್ಚಿಟ್ಟಿದ್ದಾರೆ.
ನಿರ್ದೇಶಕನಾಗಲು 1980 ರಲ್ಲಿ ಚಿತ್ರರಂಗಕ್ಕೆ ಬಂದೆ. ಆದರೆ ನಟನೆ ಕೈ ಹಿಡಿಯಿತು. ಆದರೆ ಕನ್ನಡ ಚಿತ್ರರಂಗಕ್ಕೆ ಸುಮಾರು 20 ನಿರ್ದೇಶಕರನ್ನು ನೀಡಿದ ಹೆಮ್ಮೆ ನನ್ನದು. ಇವರಲ್ಲಿ ಒಬ್ಬರಿಗೆ ಹೆಸರು ಸಿಗಲಿ ಎಂದು ನಾನೇ ಸಿನಿಮಾ ನಿರ್ಮಾಣ, ನಿರ್ದೇಶನ ಮಾಡಿ ಹೆಸರು ಅವರಿಗೆ ಕೊಟ್ಟಿದ್ದೆ. ಆದರೆ ಹೆಸರು ಸಿಗುವ ಮೊದಲೇ ಅವರು ತೀರಿಕೊಂಡರು. ಅವರ ಹೆಸರು ಹಾಗೇ ಇರಲಿ’ ಎಂದು ಜಗ್ಗೇಶ್ ಬರೆದುಕೊಂಡಿದ್ದಾರೆ.
ಆದರೆ ತಾವು ಸಹಾಯ ಮಾಡಿದ ವ್ಯಕ್ತಿ ಯಾರು ಎಂಬುದನ್ನು ಜಗ್ಗೇಶ್ ಹೆಸರು ಬಹಿಗಂರಪಡಿಸಿಲ್ಲ. ಆದರೆ ಇದರಿಂದ ಆತನೂ ಲಾಭ ಪಡೆಯುವಷ್ಟು ದಿನ ಬದುಕುಳಿಯಲಿಲ್ಲವಲ್ಲಾ ಎಂದು ಬೇಸರ ವ್ಯಕ್ತಪಡಿಸಿದ್ದಾರೆ.
