Publish Date: Thu, 24 Sep 2020 (10:34 IST)
Updated Date: Thu, 24 Sep 2020 (10:36 IST)
ಬೆಂಗಳೂರು: ಬಾಲಿವುಡ್ ನಲ್ಲಿ ಇಂದು ಮಿಂಚುತ್ತಿರುವ ನಟಿ ದೀಪಿಕಾ ಪಡುಕೋಣೆ ಸ್ಯಾಂಡಲ್ ವುಡ್ ನ ‘ಐಶ್ವರ್ಯಾ’ ಸಿನಿಮಾ ಮೂಲಕ ಬೆಳ್ಳಿತೆರೆಗೆ ಪರಿಚಯವಾದವರು. ಅವರ ಈ ಮೊದಲ ಸಿನಿಮಾವನ್ನು ನಿರ್ದೇಶಿಸಿದ್ದ ಇಂದ್ರಜಿತ್ ಲಂಕೇಶ್ ಆಕೆಯ ಮೇಲಿನ ಡ್ರಗ್ ಆರೋಪದ ಬಗ್ಗೆ ಖಾಸಗಿ ಮಾಧ್ಯಮವೊಂದರ ಸಂದರ್ಶನದಲ್ಲಿ ಪ್ರತಿಕ್ರಿಯಿಸಿದ್ದಾರೆ.
ಆಕೆಯ ಮೊದಲ ಸಿನಿಮಾ ನಿರ್ದೇಶಿಸಿದ್ದ ಇಂದ್ರಜಿತ್ ಲಂಕೇಶ್ ‘ಆಕೆಯ ಮೇಲೆ ಇಂತಹ ಆರೋಪ ಎಂದರೆ ನಿಜಕ್ಕೂ ಶಾಕ್. ದೀಪಿಕಾ ತನ್ನ ಕೆಲಸದಲ್ಲಿ ಅಷ್ಟೊಂದು ಶ್ರದ್ಧೆ, ಏಕಾಗ್ರತೆ ಜತೆಗೆ ಜೀವನದಲ್ಲಿ ಏನಾದರೂ ಸಾಧಿಸಬೇಕೆಂಬ ಹಂಬಲ ಹೊಂದಿದ್ದಳು. ಅವರ ತಂದೆ ಪ್ರಕಾಶ್ ಪಡುಕೋಣೆ ಕೂಡಾ ಶಿಸ್ತಿನ ಬ್ಯಾಡ್ಮಿಂಟನ್ ಪಟು. ಹೀಗಾಗಿ ದೀಪಿಕಾ ಯಾಕೆ ಹೀಗಾದರು ಎಂದೇ ನನಗೆ ಗೊತ್ತಾಗುತ್ತಿಲ್ಲ. ಬಹುಶಃ ಆಕೆಯ ಪರಿಸರ, ಸ್ನೇಹ ಈ ರೀತಿ ಮಾಡಿರಬಹುದು’ ಎಂದು ಇಂದ್ರಜಿತ್ ಹೇಳಿದ್ದಾರೆ.