ಈ ಅಂಶಗಳನ್ನು ನೋಡಿದರೆ ಸಲಾರ್-ಕೆಜಿಎಫ್ ಸೇಮ್ ಟು ಸೇಮ್!

ಬೆಂಗಳೂರು: ಬಹುನಿರೀಕ್ಷಿತ ಸಲಾರ್ ಸಿನಿಮಾದ ಟೀಸರ್ ಇಂದು ಬೆಳಿಗ್ಗೆ ಬಿಡುಗಡೆಯಾಗಿದೆ. ಆದರೆ ಟೀಸರ್ ನೋಡಿದ ಬಳಿಕ ನೆಟ್ಟಿಗರು ಸಲಾರ್ ಮತ್ತು ಇದೇ ನಿರ್ಮಾಪಕ, ನಿರ್ದೇಶಕರ ಕೆಜಿಎಫ್ ಸಿನಿಮಾವನ್ನೂ ಹೋಲಿಕೆ ಮಾಡಿದ್ದಾರೆ.

ಸಲಾರ್ ಟೀಸರ್ ನಲ್ಲಿ ಬರುವ ದೃಶ್ಯಗಳು, ಡೈಲಾಗ್, ಹಿನ್ನಲೆ ಸಂಗೀತ, ನಾಯಕನನ್ನು ವೈಭವೀಕರಿಸುವ ರೀತಿ ಎಲ್ಲವನ್ನೂ ನೋಡಿದರೆ ಪ್ರೇಕ್ಷಕರಿಗೆ ಕೆಜಿಎಫ್ ಸಿನಿಮಾ, ರಾಕಿ ಭಾಯಿ ನೆನಪಾಗಿದ್ದಾನೆ.

ಕೆಜಿಎಫ್ 2 ನಲ್ಲಿ ಬಟ್ಲರ್ ಇಂಗ್ಲಿಷ್ ಡೈಲಾಗ್ ಹಿಟ್ ಆಗಿತ್ತು. ಪ್ರಶಾಂತ್ ನೀಲ್ ಸಲಾರ್ ನಲ್ಲೂ ಅದೇ ಫಾರ್ಮುಲಾ ಬಳಸಿದ್ದಾರೆ. ಇನ್ನು, ಕೆಜಿಎಫ್ ಗೆ ಬಳಸಲಾಗಿದ್ದ ಕೆಲವು ಸೆಟ್ ಗಳು, ಪ್ರಾಪರ್ಟಿಗಳನ್ನೇ ಇಲ್ಲೂ ಬಳಸಲಾಗಿದೆ. ಕೆಜಿಎಫ್ ನಂತೇ ಇಲ್ಲೂ ಕಿವಿಗಡಚಿಕ್ಕುವ ಹಿನ್ನಲೆ ಸಂಗೀತವಿದೆ. ಕೆಜಿಎಫ್ ನಲ್ಲೂ ನಾಯಕ ಅತ್ಯಂತ ಕ್ರೂರಿ. ಇಲ್ಲೂ ನಾಯಕನನ್ನು ವಯಲೆಂಟ್ ಎಂದು ಚಿತ್ರಿಸಲಾಗಿದೆ. ಎರಡೂ ಸಿನಿಮಾಗಳ ದೃಶ್ಯಗಳನ್ನು ನೋಡುತ್ತಿದ್ದರೆ ಇದು ಕೆಜಿಎಫ್ ನದ್ದೇ ಕಾಪಿ ಎನ್ನುತ್ತಿದ್ದಾರೆ ನೆಟ್ಟಿಗರು.