ಸಲಾರ್ ಸಿನಿಮಾ ಪೈರಸಿಯಾಗದಂತೆ ತಡೆಯಲು ಫ್ಯಾನ್ಸ್ ಸಹಾಯ ಕೇಳಿದ ಹೊಂಬಾಳೆ ಫಿಲಂಸ್

ಹೈದರಾಬಾದ್: ಇತ್ತೀಚೆಗೆ ಯಾವುದೇ ಬಿಗ್ ಬಜೆಟ್ ಸಿನಿಮಾಗಳಿಗೆ ಪೈರಸಿ ತಲೆನೋವಾಗಿ ಪರಿಣಮಿಸುತ್ತಿದೆ. ಇದು ಚಿತ್ರದ ಗಳಿಕೆ ಮೇಲೂ ಪರಿಣಾಮ ಬೀರುತ್ತಿದೆ.

ಇದೀಗ ಸಲಾರ್ ಸಿನಿಮಾಗೂ ಪೈರಸಿ ಚಿಂತೆ ಶುರುವಾಗಿದೆ. ಈಗಾಗಲೇ ಸಿನಿಮಾ ನೋಡಿದ ಕೆಲವರು ಥಿಯೇಟರ್ ನಲ್ಲಿ ವಿಡಿಯೋ ಮಾಡಿ ಸೋಷಿಯಲ್ ಮೀಡಿಯಾ ಮೂಲಕ ಹಂಚಿಕೊಳ್ಳುತ್ತಿದ್ದಾರೆ.

ಇದರಿಂದ ಚಿತ್ರದ ಬಗ್ಗೆ ನೆಗೆಟಿವ್ ರಿವ್ಯೂ ಕೂಡಾ ಹೆಚ್ಚಾಗುತ್ತಿದೆ. ಸಲಾರ್ ಸಿನಿಮಾ ಉಗ್ರಂ ಸಿನಿಮಾದ ಮತ್ತೊಂದು ವರ್ಷನ್ ಎಂದು ಕೆಲವರು ಟೀಕಿಸಿದ್ದಾರೆ. ಇದು ಖಂಡಿತಾ ಗಳಿಕೆ ಮೇಲೆ ಪರಿಣಾಮ ಬೀರಲಿದೆ.

ಹೀಗಾಗಿ ಹೊಂಬಾಳೆ ಫಿಲಂಸ್ ಪೈರಸಿ ತಡೆಯಲು ಅಭಿಮಾನಿಗಳ ಸಹಾಯ ಕೇಳಿದೆ. ಪೈರೇಟೆಡ್ ವಿಡಿಯೋ ಕಂಡುಬಂದರೆ @blockxtechs ಎಂಬ ಟ್ವಿಟರ್ ಖಾತೆಗೆ ಮಾಹಿತಿ ನೀಡಲು ಹೊಂಬಾಳೆ ಫಿಲಂಸ್ ಮನವಿ ಮಾಡಿದೆ.