ಅಪ್ಪು ಹೆಸರಲ್ಲಿ ಜಾತ್ರೆ ಮಾಡಿದ ಫ್ಯಾನ್ಸ್

ಬೆಂಗಳೂರು: ಪವರ್ ಸ್ಟಾರ್ ಪುನೀತ್ ರಾಜ್ ಕುಮಾರ್ ನಿಧನರಾಗಿ ಎರಡು ತಿಂಗಳಾಗುತ್ತಾ ಬಂದಿದೆ. ಈಗಲೂ ಅಭಿಮಾನಿಗಳು ಅವರ ನಿಧನಕ್ಕೆ ತಮ್ಮದೇ ರೀತಿಯಲ್ಲಿ ನಮನ ಸಲ್ಲಿಸುತ್ತಲೇ ಇದ್ದಾರೆ.

ಜಯನಗರದಲ್ಲಿ ಅಭಿಮಾನಿಗಳ ಗುಂಪು ಅಪ್ಪು ಹೆಸರಲ್ಲಿ ಜಾತ್ರೆಯನ್ನೇ ಮಾಡಿದ್ದಾರೆ. ದೇವರ ಜಾತ್ರೆಯಂತೆ ತಮ್ಮ ಮೆಚ್ಚಿನ ನಟನ ಜಾತ್ರೆ ಉತ್ಸವ ಮಾಡಿದ್ದಾರೆ.

ಅಪ್ಪು ಫೋಟೋಗಳ ಪತಾಕೆ ಮಾಡಿ ಡೋಲು ಬಡಿದು ಬೀದಿಯಲ್ಲಿ ಮೆರವಣಿಗೆ ಮಾಡುವ ಮೂಲಕ ಅಪ್ಪುಗಾಗಿ ಉತ್ಸವ ಮಾಡಿದ್ದಾರೆ. ಈ ಮೂಲಕ ತಮ್ಮ ನೆಚ್ಚಿನ ನಟ ಮತ್ತೆ ಹುಟ್ಟಿ ಬರಲಿ ಎಂದು ಪ್ರಾರ್ಥನೆ ನಡೆಸಿದ್ದಾರೆ.