ಬೆಂಗಳೂರು: ಕೆಜಿಎಫ್, ಯುವರತ್ನ ಮುಂತಾದ ಬಿಗ್ ಬಜೆಟ್ ಸಿನಿಮಾಗಳನ್ನು ನೀಡಿರುವ ಹೊಂಬಾಳೆ ಫಿಲಂಸ್ ಮುಂದಿನ ಸಿನಿಮಾ ಘೋಷಿಸಿದ ಬೆನ್ನಲ್ಲೇ ನೆಟ್ಟಿಗರು ಆ ಸಿನಿಮಾ ಯಾವುದು ಎಂಬ ಬಗ್ಗೆ ಚರ್ಚೆಯನ್ನೇ ಶುರು ಮಾಡಿದ್ದಾರೆ.
ಹೊಂಬಾಳೆ ಫಿಲಂಸ್ ಈ ಟ್ವೀಟ್ ನ್ನು ಪ್ರಶಾಂತ್ ನೀಲ್ ಮಾಡಿಲ್ಲ. ಹೀಗಾಗಿ ಈ ಸಿನಿಮಾಗೆ ಪ್ರಶಾಂತ್ ನೀಲ್ ನಿರ್ದೇಶಕರಾಗಿರಲ್ಲ ಎಂದು ನೆಟ್ಟಿಗರು ಊಹಿಸಿದ್ದಾರೆ. ಆದರೆ ಶ್ರೀಮುರಳಿ ನಾಯಕರಾಗಿರುವ ಹೊಸ ಸಿನಿಮಾ ಘೋಷಣೆಯಾಗಬಹುದು ಎಂದು ಲೆಕ್ಕಾಚಾರ ಹಾಕಿದ್ದಾರೆ. ಮೊನ್ನೆಯಷ್ಟೇ ಪ್ರಭಾಸ್ ನಾಯಕರಾಗಿ ‘ಸಲಾರ್’ ಸಿನಿಮಾ ಘೋಷಣೆ ಮಾಡಿದ್ದರು. ಆಗ ಕನ್ನಡದ ನಾಯಕ ನಟ ಸಿಗಲಿಲ್ಲವೇ ಎಂದು ನೆಟ್ಟಿಗರು ಹೊಂಬಾಳೆ ಫಿಲಂಸ್ ನ್ನು ಟೀಕಿಸಿದ್ದರು. ಹೀಗಾಗಿ ಈ ಬಾರಿ ಕನ್ನಡದ ನಟನೇ ನಾಯಕನಾಗಿರುವ ಹೊಸ ಸಿನಿಮಾ ಘೋಷಣೆಯಾಗಬಹುದು ಎಂದು ಊಹಿಸಲಾಗಿದೆ.