ಬೆಂಗಳೂರು: ದುನಿಯಾ ವಿಜಯ್ ನಿರ್ದೇಶಿಸಿ, ನಟಿಸಿರುವ ಸಲಗ ಸಿನಿಮಾಗೆ ಈಗ ಕಾನೂನು ಸಂಕಷ್ಟ ಎದುರಾಗಿದೆ.
ಸಲಗ ಸಿನಿಮಾ ತ್ರಿವೇಣಿ ಥಿಯೇಟರ್ ನಲ್ಲಿ ಬಿಡುಗಡೆಯಾಗಿ ಯಶಸ್ವೀ ಪ್ರದರ್ಶನ ಕಾಣುತ್ತಿದೆ. ಆದರೆ ನಾಳೆಯಿಂದ ರಿಯಲ್ ಎಸ್ಟೇಟ್ ಎನ್ನುವ ಸಿನಿಮಾ ನಿರ್ಮಾಪಕ ಇದೇ ಥಿಯೇಟರ್ ನಲ್ಲಿ ಸಿನಿಮಾ ಬಿಡುಗಡೆ ಮಾಡಲು ಬಾಡಿಗೆ ಹಣ ಮುಂಗಡ ನೀಡಿದ್ದಾರೆ.
ಆದರೆ ತ್ರಿವೇಣಿಯಲ್ಲಿ ಸಲಗ ಚೆನ್ನಾಗಿ ಓಡುತ್ತಿರುವ ಕಾರಣ ಥಿಯೇಟರ್ ಬಿಟ್ಟುಕೊಡಲು ದುನಿಯಾ ವಿಜಯ್ ಹಿಂದೇಟು ಹಾಕುತ್ತಿದ್ದಾರಂತೆ. ಇದೇ ಕಾರಣಕ್ಕೆ ರಿಯಲ್ ಎಸ್ಟೇಟ್ ಸಿನಿಮಾ ನಿರ್ಮಾಪಕರು ಪೊಲೀಸ್ ಠಾಣೆ ಮೆಟ್ಟಿಲೇರಿದ್ದಾರೆ. ಈ ನಡುವೆ ಮಾಧ‍್ಯಮಗಳು ಪ್ರಶ್ನಿಸಿದಾಗ ರಿಯಲ್ ಎಸ್ಟೇಟ್ ನಿರ್ಮಾಪಕರು ಸಲಗ ಸಿನಿಮಾಗೆ ತೊಂದರೆಯಾಗಬಾರದು ಎಂದು ನಾವು ಕಂಪ್ಲೇಂಟ್ ವಾಪಸ್ ಪಡೆದು ಬೇರೆ ಥಿಯೇಟರ್ ನಲ್ಲಿ ನಮ್ಮ ಸಿನಿಮಾ ಬಿಡುಗಡೆ ಮಾಡುತ್ತೇವೆ ಎಂದಿದ್ದಾರೆ.
