ಮುಂಬೈ: ಬಾಲಿವುಡ್ ಹಿರಿಯ ನಟ, ರಾಜಕಾರಣಿ ಶತ್ರುಘ್ನ ಸಿನ್ಹಾ ಅವರ ಪುತ್ರಿ ಬಾಲಿವುಡ್ ನಟಿ ಸೋನಾಕ್ಷಿ ಸಿನ್ಹಾ ಅವರು ತಮ್ಮ ಬಹುಕಾಲದ ಗೆಳೆಯ ಜಹೀರ್ ಇಕ್ಬಾಲ್ ಅವರೊಂದಿಗೆ ಇಂದು ದಾಂಪತ್ಯ ಜೀವನಕ್ಕೆ ಕಾಲಿಡಲಿದ್ದಾರೆ.
ಅಂತರ್‌ ಧರ್ಮಿಯವಾಗಿ ಮದುವೆಯಾಗುತ್ತಿರುವ ಈ ಸ್ಟಾರ್ ಜೋಡಿ ಕಳೆದ ಕೆಲ ವರ್ಷಗಳಿಂದ ಪ್ರೀತಿಯಲ್ಲಿ ಬಿದ್ದಿದ್ದರು. ಆದರೆ ಇಬ್ಬರು ತಮ್ಮ ಪ್ರೀತಿಯನ್ನು ಸಾರ್ವಜನಿಕವಾಗಿ ಎಲ್ಲೂ ತೋರ್ಪಡಿಸಿಲ್ಲ. ಇಬ್ಬರ ನಿರ್ಧಾರದಂತೆ ತಮ್ಮ ಪ್ರಣಯವನ್ನು ಸಾರ್ವಜನಿಕ ಕಣ್ಣಿನಿಂದ ಹೊರಗಿಡಲು ಆಯ್ಕೆ ಮಾಡಿಕೊಂಡಿದ್ದಾರೆ. 2023ರಲ್ಲಿ ಆಯುಷ್ ಶರ್ಮಾ ಮತ್ತು ಅರ್ಪಿತಾ ಖಾನ್ ಅವರ ಈದ್ ಬಾಷ್‌ನಲ್ಲಿ ಒಟ್ಟಿಗೆ ಕಾಣಿಸಿಕೊಂಡಾಗ ಇವರಿಬ್ಬರು ಪ್ರೀತಿಯಲ್ಲಿದ್ದಾರೆಂಬ ಸುದ್ದಿ ಹರಿದಾಡಿತ್ತು.
ಸೋನಾಕ್ಷಿ ಮದುವೆಯಾಗಲಿರವ ಜಹೀರ್ ಇಕ್ಬಾಲ್ ಶ್ರೀಮಂತ ಮನೆತನದಿಂದ ಬಂದಿದ್ದಾರೆ. ಇವರು ಬಾಲಿವುಡ್ ನಟ ಸಲ್ಮಾನ್ ಖಾನ್ ಅವರೊಂದಿಗೆ ನಿಕಟ ಸಂಬಂಧ ಹೊಂದಿದ್ದಾರೆ. ಸಲ್ಮನ್ ಖಾನ್ ಅವರು 2019 ರ ರೊಮ್ಯಾಂಟಿಕ್ ನಾಟಕ 'ನೋಟ್‌ಬುಕ್' ನಲ್ಲಿ ಜಹೀರ್ ಅನ್ನು ಪರಿಚಯಿಸಿದರು.
ಇನ್ನೂ ಸಲ್ಮಾನ್ ಖಾನ್ ಆಯೋಜಿಸಿದ್ದ ಪಾರ್ಟಿಯಲ್ಲೇ ಸೋನಾಕ್ಷಿ ಮತ್ತು ಜಹೀರ್ ಮೊದಲು ಭೇಟಿಯಾದ್ದರು. ಸ್ನೇಹ ಪ್ರೀತಿಗೆ ತಿರುಗಿ ಇದೀಗ ದಾಂಪತ್ಯ ಜೀವನಕ್ಕೆ ಕಾಲಿಡಲು ಸಿದ್ದರಾಗಿದ್ದಾರೆ. ಹಿಂದೂ ಮತ್ತು ಮುಸ್ಲಿಂ ಸಂಪ್ರದಾಯದಂತೆ ಇವರ ಮದುವೆ ನೆರವೇರಲಿದೆ.
