ಬೆಂಗಳೂರು: ಕಿಚ್ಚ ಸುದೀಪ್ ಅಭಿನಯದ ಕೋಟಿಗೊಬ್ಬ 3 ಮತ್ತು ಚಾಲೆಂಜಿಂಗ್ ಸ್ಟಾರ್ ದರ್ಶನ್ ಅಭಿನಯದ ‘ರಾಬರ್ಟ್’ ಸಿನಿಮಾ ಒಂದೇ ದಿನ ಬಿಡುಗಡೆಯಾಗುತ್ತಾ? ಎರಡೂ ಸಿನಿಮಾಗಳ ನಡುವೆ ಡೇಟ್ ಕ್ಲ್ಯಾಶ್ ಆಗುವ ಸಾಧ‍್ಯತೆಯಿದೆ.
ಈಗಾಗಲೇ ಕೋಟಿಗೊಬ್ಬ 3 ನಿರ್ಮಾಪಕರು ಏಪ್ರಿಲ್ 23 ರಂದು ಚಿತ್ರ ಬಿಡುಗಡೆ ಮಾಡುವುದಾಗಿ ಹೇಳಿದ್ದಾರೆ. ಇದೀಗ ರಾಬರ್ಟ್ ನಿರ್ಮಾಪಕ ಉಮಾಪತಿ ಗೌಡ ಕೂಡಾ ಅದೇ ದಿನ ರಾಬರ್ಟ್ ಬಿಡುಗಡೆ ಮಾಡುವುದಾಗಿ ಹೇಳಿದ್ದಾರೆ. ಕೋಟಿಗೊಬ್ಬ 3 ಬಿಡುಗಡೆ ದಿನಾಂಕ ಘೋಷಣೆ ಮೊದಲಾಗಿರುವುದರಿಂದ ಇದೀಗ ಉಮಾಪತಿ ಗೌಡರು ಕೋಟಿಗೊಬ್ಬ 3 ನಿರ್ಮಾಪಕರೊಂದಿಗೆ ಕೂತು ಮಾತನಾಡಿ ಸಮಸ್ಯೆ ಬಗೆಹರಿಸುವುದಾಗಿ ಹೇಳಿದ್ದಾರೆ. ಒಂದು ವೇಳೆ ಒಂದೇ ದಿನ ಎರಡೂ ಸಿನಿಮಾಗಳೂ ಬಿಡುಗಡೆಯಾದರೆ ಮೊದಲೇ ಕಿತ್ತಾಡುವ ಇಬ್ಬರು ಸ್ಟಾರ್ ಗಳ ಫ್ಯಾನ್ ವಾರ್ ತಾರಕಕ್ಕೇರಲಿದೆ.