ಬೆಂಗಳೂರು: ಸ್ಯಾಂಡಲ್ ವುಡ್ ನಿರ್ಮಾಪಕರ ಸಂಘಕ್ಕೆ ಇಂದು ಪ್ರತ್ಯೇಕ ಕಟ್ಟಡವೊಂದು ನಿರ್ಮಾಣವಾಗಲಿದೆ. ಇದರ ಶಂಕು ಸ್ಥಾಪನೆಗೆ ಸ್ವತಃ ಸಿಎಂ ಯಡಿಯೂರಪ್ಪ ಚಾಲನೆ ನೀಡಲಿದ್ದಾರೆ.
ನಿರ್ಮಾಪಕರ ಸಂಘದ ಕಟ್ಟಡ ನಿರ್ಮಾಣದ ಶಂಕು ಸ್ಥಾಪನೆ ಕಾರ್ಯಕ್ರಮ ಡಿಸೆಂಬರ್ 10 ರಂದು ನಡೆಯಲಿದೆ. ಈ ಸಮಾರಂಭಕ್ಕೆ ಸಿಎಂ ಯಡಿಯೂರಪ್ಪನವರಿಗೆ ಮುಖ್ಯಮಂತ್ರಿಗಳ ಸಂಘದ ಸದಸ್ಯರು ಹಾಗೂ ನಟಿ, ಬಿಜೆಪಿ ನಾಯಕಿ ತಾರಾ ಅನುರಾಧ ನೇತೃತ್ವದ ನಿಯೋಗ ಖುದ್ದು ಆಹ್ವಾನ ನೀಡಿದೆ. ಸಿಎಂ ಕೂಡಾ ಕಾರ್ಯಕ್ರಮದಲ್ಲಿ ಭಾಗಿಯಾಗಲು ಒಪ್ಪಿದ್ದಾರೆ. 85 ವರ್ಷಗಳ ಇತಿಹಾಸದಲ್ಲೇ ನಿರ್ಮಾಪಕರಿಗೇ ಎಂದು ಪ್ರತ್ಯೇಕ ಕಟ್ಟಡವಿರಲಿಲ್ಲ. ಇದೀಗ ಆ ಕನಸು ನನಸಾಗುತ್ತಿದೆ.
