ಬೆಂಗಳೂರು: ಸ್ಯಾಂಡಲ್ ವುಡ್ ನ ಮತ್ತೊಂದು ತಾರಾ ಜೋಡಿ ಚಿರು ಸರ್ಜಾ-ಮೇಘನಾ ರಾಜ್ ವಿವಾಹದ ಬಗ್ಗೆ ವದಂತಿಗಳು ಕೇಳಿಬರುತ್ತಿರುವ ಬೆನ್ನಲ್ಲೇ ಅವರಿಬ್ಬರು ಭಾಗವಹಿಸಿದ್ದ ಕಾರ್ಯಕ್ರಮವೊಂದರಲ್ಲಿ ನಡೆದ ಸಂಭಾಷಣೆಗಳು ಕುತೂಹಲ ಮೂಡಿಸಿವೆ.
ಆ ಟಾಕ್ ಶೋ ಕಾರ್ಯಕ್ರಮದಲ್ಲಿ ಮೇಘನಾ ರಾಜ್ ಮತ್ತು ಚಿರು ಸರ್ಜಾ ಜತೆಯಾಗಿ ಭಾಗವಹಿಸಿದ್ದರು. ನಿರೂಪಕ ಅಕುಲ್ ಬಾಲಾಜಿ ಕಾರ್ಯಕ್ರಮದುದ್ದಕ್ಕೂ ಇವರಿಬ್ಬರ ಕಾಲೆಳೆಯುತ್ತಲೇ ಇದ್ದರು.
ಪರೋಕ್ಷವಾಗಿ ಚಿರು ಸರ್ಜಾ, ಮೇಘನಾಗೆ ಅವರಿಬ್ಬರ ನಡುವೆ ಪ್ರೀತಿ ಇದೆಯಾ ಎಂದು ಕೇಳುತ್ತಲೇ ಇದ್ದರು. ಆದರೆ ಕೊನೆಯವರೆಗೂ ಇಬ್ಬರೂ ಈ ಪ್ರಶ್ನೆಗೆ ಸ್ಪಷ್ಟ ಉತ್ತರ ನೀಡಿರಲೇ ಇಲ್ಲ. ಆದರೆ ಒಂದು ಹಂತದಲ್ಲಿ ಚಿರು ಸರ್ಜಾ ತಾನು 8 ವರ್ಷದಿಂದ ಸಿಂಗಲ್ ಅಲ್ಲ ಎಂದರು. ಆದರೆ ಅದು ಸಿನಿಮಾ ಬಗ್ಗೆ ಹೇಳಿದ್ದು ಎಂದು ಮಾತು ಹಾರಿಸಿದರು.
ಇನ್ನೊಮ್ಮೆ ಮೇಘನಾ ಬಳಿ ಪಕ್ಷಿ ಸಾಕುವುದು ನಿಮಗೆ ಇಷ್ಟವೇ? ಇಲ್ಲಾ ಪಕ್ಷಿ ಸಾಕುವವರನ್ನು ಇಷ್ಟಪಡುತ್ತೀರಾ? ಎಂದು ಅಕುಲ್ ಕಾಲೆಳೆದರು. ಅಸಲಿಗೆ ಚಿರು ಸರ್ಜಾ ಪಕ್ಷಿ ಸಾಕುತ್ತಿದ್ದಾರೆ. ವಿಶೇಷವೆಂದರೆ ಈ ಪ್ರಶ್ನೆಗೆ ಉತ್ತರಿಸಿದ ಮೇಘನಾ ಪಕ್ಷಿ ಸಾಕುವವರನ್ನು ಇಷ್ಟ ಎಂದಿದ್ದರು! ಇದುವರೆಗೂ ಇಬ್ಬರೂ ಮದುವೆ ಬಗ್ಗೆ ಅಧಿಕೃತವಾಗಿ ಏನನ್ನೂ ಹೇಳಿಲ್ಲ.
ತಾಜಾ ಸುದ್ದಿಗಳನ್ನು ಓದಲು ವೆಬ್‌ದುನಿಯಾ
ಮೊಬೈಲ್ ಆ್ಯಪ್ ಡೌನ್‍ ಲೋಡ್ ಮಾಡಿಕೊಳ್ಳಿ
