ಮತ್ತೆ ಸಹೋದರ ದಿನಕರ್ ಗೆ ಜತೆಯಾಗಲಿರುವ ಚಾಲೆಂಜಿಂಗ್ ಸ್ಟಾರ್ ದರ್ಶನ್

ಬೆಂಗಳೂರು: ಚಾಲೆಂಜಿಂಗ್ ಸ್ಟಾರ್ ದರ್ಶನ್ 50 ನೇ ಸಿನಿಮಾ ಶಿವನಂದಿ ಆಗಲಿದೆ ಎಂಬ ಸುದ್ದಿ ಕೇಳಿಬರುತ್ತಿದೆ. ಆದರೆ ಈ ಮೈಲುಗಲ್ಲಿನ ಸಿನಿಮಾವನ್ನು ನಿರ್ದೇಶನ ಮಾಡುತ್ತಿರುವವರು ಯಾರು ಗೊತ್ತೇ?

ಮೂಲಗಳ ಪ್ರಕಾರ ದರ್ಶನ್ ರ 50 ನೇ ಸಿನಿಮಾವನ್ನು ಅವರ ಸಹೋದರ ದಿನಕರ್ ತೂಗುದೀಪ ನಿರ್ದೇಶಿಸುವ ಸಾಧ‍್ಯತೆಯಿದೆ. ದಿನಕರ್ ಈ ಮೊದಲು ದರ್ಶನ್ ರ ನವಗ್ರಹ, ಸಾರಥಿ ಸಿನಿಮಾವನ್ನು ನಿರ್ದೇಶಿಸಿದ್ದರು. ಇವೆರಡೂ ಸಿನಿಮಾಗಳೂ ಭರ್ಜರಿ ಹಿಟ್ ಆಗಿತ್ತು.

ಈಗ ಶಿವನಂದಿ ಸಿನಿಮಾಗೂ ದಿನಕರ್ ನಿರ್ದೇಶಕರು ಎನ್ನಲಾಗುತ್ತಿದೆ. ಆದರೆ ಡಿ ಬಾಸ್ ಕಡೆಯಿಂದ ಇನ್ನೂ ಸ್ಪಷ್ಟನೆ ಬಂದಿಲ್ಲ. ಒಂದು ವೇಳೆ ಇದನ್ನೂ ದಿನಕರ್ ನಿರ್ದೇಶಿಸಿದರೆ ಅಣ್ಣ-ತಮ್ಮ ಮತ್ತೊಂದು ಬಾರಿ ಜತೆಯಾದಂತಾಗುತ್ತದೆ.