Publish Date: Sun, 29 Sep 2024 (12:07 IST)
Updated Date: Sun, 29 Sep 2024 (12:13 IST)
ಸ್ವರ್ಗ ಮತ್ತು ನರಕ ಪರಿಕಲ್ಪನೆಯೊಂದಿಗೆ ಶುರುವಾಗಿರುವ ಬಿಗ್ಬಾಸ್ ಸೀಸನ್ 11 ಭಾರೀ ಕುತೂಹಲವನ್ನು ಮೂಡಿಸಿದೆ. ಈಗಾಗಲೇ ನಾಲ್ವರು ಸ್ಪರ್ಧಿಗಳ ಹೆಸರನ್ನು ಕಲರ್ಸ್ ಕನ್ನಡ ವಾಹಿನಿ ಅನೌನ್ಸ್ ಮಾಡಿದ್ದು, ಯಾರು ಸ್ವರ್ಗಕ್ಕೆ, ಯಾರು ನರಕಕ್ಕೆ ಹೋಗ್ಬೇಕೆಂದು ವೋಟ್ ಮಾಡಲು ಆಯ್ಕೆ ನೀಡಿದೆ.
ಚೈತ್ರ ಕುಂದಾಪುರ ಅವರು ಬಿಗ್ಬಾಸ್ಗೆ ಹೋಗುತ್ತಿರುವುದು ಖಚಿತವಾಗಿದೆ. ಇದೀಗ ಕಲರ್ಸ್ ಕನ್ನಡ ವಾಹಿನಿ ಚೈತ್ರ ಕುಂದಾಪುತರ ಅವರ ಪ್ರೋಮೋವನ್ನು ಬಿಡುಗಡೆ ಮಾಡಿದೆ. ಅದರಲ್ಲಿ ತಮ್ಮ ಬದುಕಿನ ಅಚ್ಚರಿ ಘಟನೆಗಳನ್ನು ಅವರು ಶೇರ್ ಮಾಡಿಕೊಂಡಿದ್ದಾರೆ.
ಈ ಪ್ರೋಮೋ ನೋಡಿದ ಮಂದಿ ಬಗೆಬಗೆಯಾಗಿ ಕಮೆಂಟ್ ಮಾಡಿದ್ದಾರೆ. ಒಬ್ಬರು ಕಟ್ಟೆಕಡೆಯದಾಗಿ ಕಾಡುವ ಪ್ರಶ್ನೆ "ಮೂರು ಬಿಟ್ಟವರಿಗೆ ಮಾತ್ರ ಈ ಕಲಿಗಾಲ...." ಎಂದು ಬರೆದುಕೊಂಡಿದ್ದಾರೆ.
ಮತ್ತೊಬ್ಬರು ಒಟ್ಟಾರೆ ಬಿಗ್ ಬಾಸ್ ಗೆ ಹೋಗ್ಬೇಕು ಅಂದ್ರೇ ಅವ್ರು ಕಂಡೋರ್ ಮನೆ ಹಾಳ್ ಮಾಡಿರ್ಬೇಕು ಅಂತ ಅರ್ಥನಾ ಎಂದು ಪ್ರಶ್ನೆ ಮಾಡಿದ್ದಾರೆ.
ಇನ್ನೊಬ್ಬರು ಅಂತು ಇಂತೂ ಬಿಗ್ ಬಾಸ್ ಗೆ ಹೋಗಬೇಕಾದರೆ ಸಮಾಜದಲ್ಲಿ ಹೆಸರು ಮಾಡಿರಬೇಕು, ಅದು ಒಳ್ಳೆ ರೀತಿನಾದ್ರು ಆಗಲಿ ಕೆಟ್ಟ ರೀತಿಯಲ್ಲಾಗಲಿ ಒಟ್ನಲ್ಲಿ ಹೆಸರು ಮಾಡಿದ್ರೆ ಸಾಕು ಎಂದಿದ್ದಾರೆ.