ಯಶ್-ರಾಧಿಕಾ ಮೊಗ್ಗಿನ ಮನಸ್ಸು ಅರಳಿ 15 ವರ್ಷ

Photo Courtesy: facebook

ಬೆಂಗಳೂರು: ರಾಕಿಂಗ್ ಸ್ಟಾರ್ ಯಶ್-ರಾಧಿಕಾ ಪಂಡಿತ್ ಮೊದಲ ಬಾರಿಗೆ ನಾಯಕ-ನಾಯಕಿಯಾಗಿ ಬೆಳ್ಳಿ ಪರದೆಗೆ ಕಾಲಿಟ್ಟಿದ್ದ ಮೊಗ್ಗಿನ ಮನಸ್ಸು ಸಿನಿಮಾ ಬಿಡುಗಡೆಯಾಗಿ ಇಂದಿಗೆ 15 ವರ್ಷವಾಗಿದೆ.

ಈ ಸಿನಿಮಾ ಇಬ್ಬರಿಗೂ ವಿಶೇಷ. ಕಾರಣ ಮೊದಲ ಸಿನಿಮಾದಲ್ಲೇ ಇಬ್ಬರೂ ಕ್ಲಿಕ್ ಆಗಿ ಸ್ಯಾಂಡಲ್ ವುಡ್ ನಲ್ಲಿ ತಮ್ಮದೇ ಹೆಸರು ಮಾಡಿದ್ದರು. ಶಶಾಂಕ್ ನಿರ್ದೇಶನದ ಮೊಗ್ಗಿನ ಮನಸ್ಸು ಸಿನಿಮಾ ಬಿಡುಗಡೆಯಾಗಿದ್ದ 2008 ರ ಜುಲೈ 18 ರಂದು. ಈ ಸಿನಿಮಾದಲ್ಲಿ ಬಹುತೇಕ ಹೊಸಬರೇ ಇದ್ದರೂ ಚಿತ್ರ ಭಾರೀ ಹಿಟ್ ಆಗಿತ್ತು.

ಈ ಸಿನಿಮಾ, ಅದರ ಹಾಡುಗಳು ಇಂದಿಗೂ ಎಲ್ಲರಿಗೂ ಅಚ್ಚುಮೆಚ್ಚು. ರಾಕಿಂಗ್ ಸ್ಟಾರ್ ಯಶ್ ಫ್ಯಾನ್ಸ್ ಈ ದಿನವನ್ನು ಸೋಷಿಯಲ್‍ ಮೀಡಿಯಾದಲ್ಲಿ ಸಂಭ್ರಮಿಸುತ್ತಿದ್ದಾರೆ.