ಜಗತ್ತಿನಲ್ಲಿ ಇಂದು ಎಲ್ಲೆಂದರಲ್ಲಿ ಸ್ಮಾರ್ಟ್ ಫೋನ್‌ಗಳ ಅಬ್ಬರ ಜೋರಾಗಿಯೇ ಇದೆ. ಇದರ ನಡುವೆಯೇ ಅತೀ ಚಿಕ್ಕ ಮೊಬೈಲ್ ಒಂದು ತನ್ನ ವೈಶಿಷ್ಟ್ಯಗಳಿಂದ ಮಾರುಕಟ್ಟೆಯಲ್ಲಿ ಕೂತುಹಲ ಮೂಡಿಸುತ್ತಿದೆ. ಅದು ಹೇಗಿದೆ ಅದರ ವೈಶಿಷ್ಟ್ಯಗಳು ಏನೆಂಬುದನ್ನು ತಿಳಿಯೋಣ ಬನ್ನಿ.
ಇದು ಪ್ರಪಂಚದ ಅತೀ ಚಿಕ್ಕ ಮೊಬೈಲ್ ಆಗಿದ್ದು, ಸುಲಭವಾಗಿ ನಿಮ್ಮ ಕಿಸೆಯಲ್ಲಿ ಇರಿಸಬಹುದಾಗಿದೆ. ಇದು ನೋಡಲು ತುಂಬಾ ವಿಶೇಷವಾಗಿದ್ದು, ಇದು UK ಮೂಲದ ಸ್ಟಾರ್ಟ್‌ಆಪ್ ಕಂಪನಿಯಾದ ಕ್ಲೂಬಿಟ್ ನ್ಯೂ ಮೀಡಿಯಾ ಇದನ್ನು ಬಿಡುಗಡೆ ಮಾಡಿದ್ದು ಈ ಮೊಬೈಲ್‌ಗೆ ಝನ್ಕೊ ಟಿನೈ ಟಿ1 ಎಂದು ಹೆಸರಿಸಲಾಗಿದೆ.
ಈ ಮೊಬೈಲ್ 13 ಗ್ರಾಂ ತೂಕವಿದ್ದು, 0.49-ಇಂಚಿನ OLED ಅನ್ನು ಹೊಂದಿದೆ. ಇದು ನ್ಯಾನೋ ಸಿಮ್ ಅನ್ನು ಹೊಂದಿದ್ದು ಫೋನ್‌ಬುಕ್‌ನಲ್ಲಿ 300 ಸಂಪರ್ಕಗಳ ಸಂಖ್ಯೆಗಳ ಜೊತೆಗೆ 50 ಎಸ್‌ಎಮ್‌ಎಸ್ ಸಂದೇಶಗಳನ್ನು ಸಹ ಇದರಲ್ಲಿ ಉಳಿಸಬಹುದಾಗಿದೆ. ಇದರ ಪರದೆಯು ಚಿಕ್ಕದಾಗಿದ್ದು ಹೆಚ್ಚಿನ ಭಾಗವನ್ನು ಇದರ ಕೀಪ್ಯಾಡ್ ಆವರಿಸಿಕೊಂಡಿದೆ. ಇದಲ್ಲದೇ ಈ ಫೋನಿನಲ್ಲಿ ಮೀಡಿಯಾ ಟೆಕ್ ಪ್ರೊಸೆಸರ್ ಹೊಂದಿದ್ದು 32 MB RAM ಅನ್ನು ಹೊಂದಿದೆ.
ಇದು ಉತ್ತಮ ಸಂಪರ್ಕ ಸಾಧನವಾಗಿದ್ದು ಇದರಲ್ಲಿ 2G ಸಂಪರ್ಕ, ಬ್ಲೂಟೂತ್ ಮತ್ತು ಮೈಕ್ರೋ USB ಅನ್ನು ಇದು ಹೊಂದಿದೆ. ಇದು 850/1900 and 900/1800 2G ಪ್ರಿಕ್ವೆನ್ಸಿಗಳಲ್ಲಿ ಕಾರ್ಯನಿರ್ವಹಿಸುತ್ತಿದ್ದು, 3G ಮತ್ತು 4G ಸಂಪರ್ಕಗಳಲ್ಲಿ ಕಾರ್ಯನಿರ್ವಹಿಸುವುದಿಲ್ಲ ಮತ್ತು ಇದರಲ್ಲಿ ಯಾವುದೇ ಇಂಟರ್ನೆಟ್‌ ಬಳಕೆಯ ಆಯ್ಕೆಯನ್ನು ನೀಡಲಾಗಿಲ್ಲ. ಇದರಲ್ಲಿ ಲೌಡ್‌ ಸ್ಪೀಕರ್ ಹೊಂದಿದ್ದು ಇದರ ಬೆಲೆ ರೂ. 2,500 ರ ಅಸುಪಾಸಿನಲ್ಲಿ ಇರಲಿದೆ. ಅತೀ ಸಣ್ಣ ಗಾತ್ರದಲ್ಲಿ ಕಾಣಿಸಿಕೊಂಡಿರುವ ಈ ಫೋನ್‌ ಮುಂದಿನ ವರ್ಷದಲ್ಲಿ ಮಾರುಕಟ್ಟೆಯಲ್ಲಿ ಮಾರಾಟಕ್ಕೆ ಲಭ್ಯವಿರಲಿದೆ ಎಂದು ಮೂಲಗಳು ತಿಳಿಸಿವೆ.
ತಾಜಾ ಸುದ್ದಿಗಳನ್ನು ಓದಲು ವೆಬ್‌ದುನಿಯಾ ಮೊಬೈಲ್ ಆ್ಯಪ್ ಡೌನ್‍ಲೋಡ್ ಮಾಡಿಕೊಳ್ಳಿ.